【七一】101歲大黃伯、曾健成等到銅鑼灣「行街」

曾健成（左圖黑衫男子）、「大黃伯」（右）

（獨媒報導）今日是七月一日，今年101歲的「大黃伯」、近日宣布解散的社民連成員曾健成等一行數人下午在銅鑼灣現身。被問到今日為何前來，曾健成一如社民連解散記者會上稱無話可說，「冇嘢講。由治及興，鴉雀無聲。」

大黃伯則表示，今日是慶祝回歸28年，有特別意義，故特意到銅鑼灣行街，「今日好日子，又回歸做主人。我都係人嚟㗎嘛，唔係廢人吖嘛，咁我梗係要出嚟行啦。」他指銅鑼灣比過往有遊行時人流減少不少。

大黃伯原站在崇光百貨門外，不過他指警員要求他離開該處，故他轉到銅鑼灣地帶外，「我一嚟嘅時候佢（警員）跟住我行過嚟呢邊，行過嚟嗰邊，我去完廁所嗰陣佢又跟住我。」他認為警方的目的是希望不再有人因七一前來銅鑼灣，「簡單啲講，佢希望無人出來最好。你冇人出嚟，靜雞雞咁啊。即係好似封鎖咁。」

對於社民連日前宣布解散，大黃伯稱「冇自由、冇民主，咁咪啫係當你係畜生囉，因為嗰啲政黨要求民主自由㗎嘛，要去做一個真正嘅人吖嗎，佢唔當你係人，梗係唔俾你去爭取啦。」他慨嘆目今環境「咪耷低頭囉，有咩辦法呀？又唔夠佢打。」

他們在銅鑼灣逗留至約下午5時半，乘搭巴士離開。等候期間有警員上前查問，並以電話拍下他們離開。