祖奧柏連拿決定留喺拜仁拒絕重返富咸

💥根據圖片報消息，雖然拜仁中埸祖奧柏連拿已經收到唔少轉會報價，但係呢位中埸決定新球季繼續留喺拜仁。事實上，柏連拿係甘賓尼執教之下上陣機會唔多（各項賽事只有9次正選上陣），最近亦都傳出有機會英超球隊富咸，而柏連拿之前就係由富咸轉會加盟拜仁。

消息指雖然柏連拿有份入選拜仁世冠盃大軍名單，但係對住奧克蘭城同小保加比賽都無機會上陣。而拜仁下埸世冠盃將會對住賓菲加，由於拜仁已經提早出線，教練甘賓尼有機會進行輪換，睇嚇柏連拿會唔會有上陣機會😉

💬柏連拿接受訪問被問到嚟緊將會對住賓菲加，呢位葡萄牙🇵🇹中埸就話「呢埸比賽對我嚟講幾特別，尤其係我對住賓菲加成績幾好架，最近幾次交手都可以贏波😎。」。柏連拿以往效力過士鉢亭、布拉加等葡超球隊，所以對住賓菲加呢個對手絕對唔陌生。