羅毓儀感激《女神配對計劃》　遇上男友林俊其

藝人羅毓儀（Yuki）近日在社交網分享一輯靚相，孭住巨型天使翼，高企在剷泥車頂上彈結他，一改乖乖女形象，變得Rock味十足。她接受訪問時表示：「唔係拍新歌MV，只係想配合番之前首《女神之翼》歌，所以想拍番輯同天使有關嘅相啫。（爬到咁高驚唔驚？）我本身冇畏高嘅，但爬上去真係有啲危險，所以如果冇工作人員幫手，就千祈唔好試啦。」

雙線發展的她，今年在電視圈亦有出色表現，談及入圍「飛躍進步女藝員」獎，她要感謝《女神配對計劃》效應，令她成長了不少：「呢1年都真係發生咗好多事，個節目教識咗我好多喺教科書唔會學得識嘅嘢。」還隔空示愛，特別鳴謝因拍節目而遇上的男友林俊其。

同時她慶幸可繼續拍攝處境劇《愛‧回家之開心速遞》，劇中的心機女「路小小」是她最愛的角色之一，她說：「個角色衰衰哋，但係又好有義氣，搞笑得來又有啲可愛，邪惡得來又有少少正義。」

東網網站 : https://on.cc/東網Facebook專頁 : https://www.facebook.com/onccnews/