張繼聰新戲受悲劇影響　回應被指黑仔：從來都唔覺

張繼聰為電影《金童》籌備6年，操肌兼自資六位數完成終上畫。本應是他事業重要的一步，卻與大埔宏福苑奪命大火的哀痛時刻重疊，令不少網民替他感到可惜，擔心票房受拖累。

不少網民在社交平台慨嘆張繼聰「唔好彩」，加上早前與周秀娜合作、曾在宏福苑取景的 ViuTV 劇集《小業主戰線》，因內容涉及小業主反抗法團圍標，在現時氣氛下，是否能如期推出有變數。

有網民直言：「張繼聰都幾黑仔。主演電影上映又被新聞蓋過；拍劇個場景又冇埋；個題材仲即刻變咗政治敏感題材。三樣嘢同時發生係佢一位藝人身上」、「張生好努力拍完金童上映唔到，到上映到既哩段時間，香港所有人都應該無心情睇戲，連帶哩套劇都有影響 😢😢😢😢😢😢。」、「已經成為傳說劇了，再出街會勾起好多人傷心嘅回憶」、「睇怕唔會再拍落去…」。

不過，也有網民抱持另一態度，希望作品不要就此被埋沒，有人表示：「希望佢哋 ready 重新開拍之後，盡快搵到合適地點完成拍攝，一套可以反映社會問題嘅劇唔應該就咁冇咗。」、「一定拍落去，為時代留紀錄。」

亦有支持《金童》的聲音：「講咁多無用，積極啲，行動支持套戲，入去戲院撐香港電影啦，套片好勵志！需要正面能量。」

面對討論和「黑仔」說法，張繼聰其後在社交平台回應，他寫道：「人生總會遇到一啲難以想像嘅處境，最重要，係你用咩心態去面對。電影，工作，當然有影響，不過對比起我哋香港而家所面對嘅，實在微不足道。」

他強調：「我知道大家都唔好受，人生係會遇到好多挑戰，我哋肩並肩，手拖手，一齊行過去🫂。最後，我從來都唔覺得自己黑仔🙏🏻。」