《愛‧回家》賴彥妤泳衣上陣　邵初緊身衫抗衡　

無綫處境劇《愛‧回家之開心速遞》昨晚一集，KC（歐瑞偉飾）為改善脂肪肝，找來游泳教練Latte（賴彥妤Vivienna飾）狂操，豈料惹來下屬Minnie（邵初飾）誤會KC因溝女而偷懶主動找Latte理論，最終Minnie代替Latte成為KC健身教練、更貼心為KC準備健康飲食，二人關係再度升溫！

身為港姐季軍兼「友誼小姐」的邵初，不但演技有明顯進步、造型亦多變吸睛，除了基本靚靚OL造型、跌落水的「Get Wet Look」、及青春氣息爆燈的貼身運動裝同樣亮麗，穿上貼身運動褲及小背心的她，即使坐着吃東西或踩單車，腹部依然零贅肉，弗到不得了，成功吸引網民眼球：「邵初單車運動裝顯得好弗」、「Minnie太完美了」、「終於見到Minnie唔係返工Look」、「邵初好有女人味」。歷盡激心、震撼、謙卑、求和、開心等多重情緒的邵初，亦獲網民大讚演技有進步：「邵初本身就很穩重，發揮得愈來愈好」、「同教練道歉跳水嗰一場，我覺得Minnie的情緒很到位。」

另外兩個焦點，還有一再挑邵初機的賴彥妤、及現年63歲的歐瑞偉；前者的弗爆藍色泳衣Look、及寸嘴嘴面盡是吸睛；後者拿着手機嬌俏地對住胸肌自拍亦是一絕！其實賴彥妤本身的確熱愛水上運動，並擁有深潛證書資格；至於KC雖已年過60，但其實身形及身手依然有水準，擁有深厚功夫根底的他，求學時期曾為體操運動員，在學校重點訓練跳鞍馬；另歐瑞偉於1982年入讀邵氏訓練班後做過龍虎武師，早年又曾到內地擔任武術指導，加上外表至今依然俊朗，獲網民封為「港版007」。

東網網站 : https://on.cc/東網Facebook專頁 : https://www.facebook.com/onccnews/