小斯買海璇 = 方力申遇溺｜葉朗程

當一個很聰明的人做了一件很愚蠢的事，從牌面看的結論，就是無論多聰明的人都會蠢一次。

但我可以肯定的告訴你一件事。

或許，聰明的人可以在自己不聰明的領域裏做蠢事。

例如一個人溝女叻，但可能唔識買錶。又例如一個人好識買錶，但佢可以完全唔識飲酒。

廢話是不是？是。

不過聰明的人在自己聰明的領域裏，是絕絕絕絕對，沒有可能做得到一件蠢事的，因為他或她在那個領域的聰明，又或者他或她在那個聰明的領域，已經好像呼吸一樣自然。

所以，優惠達人小斯買過億豪宅呢單新聞，我死都唔會信。

唔係唔信佢有錢買過億單位，而係唔信佢有 1.38 億嘅 budget 會買一層乜 L “北角海旋特色單位”。

簡單 “北角海旋特色單位” 八個字，有六個字已經好有問題，其中最大問題那兩個字當然是北角。

北角，1.38 億，are you fucking joking？

1.38 億可以在山頂 Mount Kellett Road 買層 La Hacienda 有找。

1.38 億可以在九龍塘買間獨立屋，仲要唔係隨便一間屋，係講緊以前雷頌德同黎明都住過嘅舒梨道 1 號，有找。

1.38 億可以在淺水灣買到南山別墅，同林海峰做鄰居，仲可能夠買兩間。

然後。

北角海旋特色單位，“特色單位” 這四個字當然也非常出事。

好記得當年去義德道睇樓，當然是冇錢運吉齋睇嗰種，嘉利貨，即係媲美新鴻基咁優質，睇嘅就係頂樓特色單位。

千六呎加大露台，過億，你肯買，即刻做埋 Citibank Ultima 嘅 cardholder。一句講晒，你要幾多優越感就砌幾多優越感畀你，點解？因為層樓根本唔值。

特色單位有一大特色，就是要賣出去極難，因為識欣賞那個特色的人實在少之有少。

北角海旋特色單位有人買，我信，但如果你跟我説，一個 Big Four 出身、格價揀優惠可以玩到身家以億計嘅人，會喺一個咁嘅區買一個特色單位，我只會諗起五個字。

財經