[銅鑼灣新店·爽歎足料麻辣火鍋] ♠️🌶️✨
登龍街真係食好西好去處！最近又有新貴，那就是麻辣火鍋店「紅堂 Red Hall」!
顧名思義，呢度以棘紅色為主要元素，店內設有一排不規則方形燈，幾型格！而且我鍾意呢度座位，全部都以一格格中式屏風相隔，好似獨立房間咁，喺度食火鍋好private，幾啱朋友相聚齊齊pot！
食物方面，紅堂以和牛牛油嘅麻辣火鍋湯底為基礎，配上多款自家製手工丸餃，加上60多款火鍋配料可供選擇，打破麻辣火鍋刻板形象，令人享受到不一樣嘅味覺享受，好嘗試辣嘅朋友，一定唔可以錯過！
今次，我跟朋友就試咗佢哋嘅午市火鍋，套餐有齊涼菜、西班牙伊比利豚梅肉、美國安格斯牛肩肉、雞肉、 麻辣和牛餃、雲吞、墨魚、松露丸、鮮蔬拼盤、 炸魚皮、寬粉、飲品，同埋紅桑子冰粉甜品，份量超多，一位都係HK$148咋！真係好抵食！另外，我哋仲叫咗功夫口水雞及拔絲糍粑炸彈，非常飽足！🤤
✦ 午市火鍋 HK$148/位（圖為2人份）
好驚喜係午市都有鴛鴦湯底！分別有清油養生麻辣鍋，同埋火腿花膠魚肚雞湯鍋！ 麻辣湯底有5種辣度選擇，由於我唔太食到辣，我揀咗最少嘅1分辣，呢個辣度真係好輕微，我都可以輕鬆駕馭。另外，湯底亦唔Hea，分別有大大塊鴨血同花膠，幾乎都可當一個小菜！😍而且鮮美得嚟惹味，忍唔住飲咗好多口呢！
配料變新鮮，特別係牛肩肉，肉味好濃且彈牙，雞肉則用雞脾肉，好腍好嫩，真係好正！個人仲覺得墨魚丸令人驚喜，好爽呀，濃濃嘅黑松露，口感不錯。
✦ 功夫口水雞 HK$88
一份有8串，一口一件，食得幾爽。呢度嘅口水雞嘅麻辣味唔會好重，食完齒頰留香，又有花生粒增加口感，幾正。不過，88連加一要百零蚊，個人就覺得貴咗啲～（火鍋餐都係148咋喎！🤣）
✦ 拔絲糍粑炸彈 HK$88
呢款甜品真係好有驚喜，外層嘅拔絲糖加咗少少爆炸糖粉，食嗰陣個口有啲爆炸頭咁嘅，炸炸地嘅口感，好特別！中間就係一粒糖不甩，煙煙韌韌。
*加一服務費
★－:+:－:+:－:+:－:+:－★
🎡味道：4
🎠環境：4
🎪服務：4
🕌CP值：3.5
（*5為最高分）
★－:+:－:+:－:+:－:+:－★
◌ 紅堂
◌ 銅鑼灣登龍街28號永光中心1樓
★－:+:－:+:－:+:－:+:－★