羅啟豪搣甩斯文形象演「黑仔」 一個原因激到屋企人嘔血

《中年好聲音》羅啟豪推出全新單曲《小鬼主意》，MV昨晚（9日）首播，MV中羅啟豪跳出平日斯文形象，飾演「黑仔」，由朝到晚頭頭碰著黑，被老細逼迫、女友放飛機兼被淋水。隨住《小鬼主意》推出，同時啟動新一輪「18區Busking Tour」，並邀來莫凱謙擔任嘉賓，兩隻「小鬼」擦出音樂火花。

啟豪說：「小時候覺得好多限制，經常被催吃飯、做功課，以為長大就會好自由，誰知原來成人更多束縛，現在又想做回小朋友！」雖然啟豪小時候不算叛逆難教，但也曾令家人頭痛，他自爆：「我專注力不足，默書記極都記唔到，激到屋企人幾乎嘔血，好想『鍊』死我！我又成日同二家姐打交同鬧交，為咗分開我哋，屋企人本來想先送二家姐去英國讀書，點知我哋鬧還鬧，其實感情好好，結果兩姊弟都係一齊去英國讀書！」

啟豪今次重啟busking tour，邀請莫凱謙擔任嘉賓，啟豪解釋：「他6歲時參加《殘酷一叮》，轉眼間20年過去，由『小鬼』變了成年人，我在網上看過他的片段，好叻仔，曲詞編監一手包辦，又識彈好多樂器，所以邀請他來當嘉賓。」今年27歲莫凱謙又想不想時光倒流？他說：「參賽後開始拍電視劇，好快便要面對成人世界，現在27歲，我仍然當自己是小朋友，不太想長大，因為好難捉緊最純真的快樂！」

（即時娛樂）