尖沙咀美食：【尖沙咀泰菜化身猛男餐廳！指定日子晚市！爆肌型男介紹菜單/表演榨檸檬汁】- Asok Thai Garden

尖沙咀美食｜指定日子晚市 爆肌型男介紹菜單/表演榨檸檬汁

呢間位於尖沙咀主打泰式fusion嘅餐廳，室內環境充滿休閒渡假感，更設有榻榻米坐位增加渡假氣氛。最近更化身猛男餐廳，指定日子會有爆肌型男侍應為大家介紹菜單， 型男更會在身上寫上是日推介。如果大家點選雞尾酒，猛男侍應會提供試酒服務。而點選指定菜式猛男侍應將會表演鮮榨青檸汁。另外，生日到餐廳慶祝嘅朋友更有猛男待應會一同慶祝拍照。其實餐廳食物一向唔錯，今次大攪心思，希望等大家輕鬆下。

餐廳主打泰式fusion菜，人氣菜式有豬肉生菜包、蛋炒咖喱軟殼蟹、冬陰功湯等都惹味濃郁，當中蛋炒咖喱軟殼蟹的份量十分充足，軟殼蟹炸至乾身脆口，肉質還保持嫩滑。另外，更有不少創新特色菜式，好似冬蔭功大頭蝦意粉，冬陰功醬汁微辣帶點椰香，惹味可口。而另一青檸吞拿魚北海道帶子鍋巴，吞拿魚帶子混合泰式青檸汁，夠晒開胃。最後必食打卡一流的芒果糯米飯甜筒，將甜筒上下倒轉夠晒創意。

▲ 指定日子會有爆肌型男侍應為大家服務。

▲青檸吞拿魚北海道帶子鍋巴($128)，清新的吞拿魚帶子混合青檸汁，味道清新帶微酸，非常開胃。

▲豬肉生菜包($108)，豬肉粒粒分明帶點辣度加上青檸汁增加味道層次，夠晒惹味。

▲冬蔭功大頭蝦意粉($158)，大頭蝦的頭部蝦膏十足，配帶點酸和微辣的醬汁夠晒惹味。

▲蛋炒咖喱軟殼蟹($198)，軟殼蟹炸至乾身脆口，肉質還保持嫩滑而咖喱味夠香甜，配印度煎餅($18)一流！煎餅口感煙韌！

▲芒果糯米飯甜筒($68)，煙韌的糯米飯配香甜芒果加椰奶醬。

▲焦糖榴槤撻配雪糕($72)，榴槤撻上的焦糖非常脆而中間榴槤蓉質感幼滑香濃，配上榴槤味的雪糕。

▲花生椰子雪糕($68)，雪糕椰子味濃郁。

Asok Thai Garden猛男侍應活動

尖沙咀 Asok Thai Garden

地址：尖沙咀亞士厘道37號九龍中心地下C舖
日期：2025年1月6日起
逢星期一，三，五晚上1800-22:00

荃灣 Asok Thai Garden

地址：荃灣楊屋道1號荃新天地UG樓UG37號舖
日期：2025年1月18日起
逢星期二，四，六晚上1800-22:00

文字：香港人遊香港