拍戲打碟雙線發展　何佩瑜發掘無限樂趣

香港影視圈正處於冰河期，不少演員工作量不足，積極樂觀者則自謀出道，藝人何佩瑜（Jeana）月前返港發展後決定「雙綫發展」，秘密練兵於大型派對上擔任打碟DJ，開先河成圈中首位向這方面發展的女藝人﹗談到創出新血路，Jeana透露﹕「其實10年前我已經學過打碟，本身有底喺度可以再練。日前我就同兩個男人組成嘅Beat_friday合作出騷，有好多好朋友包括武術指導林迪安嚟捧場，我就寓工作於娛樂，真係好開心。」

Jeana短短日子已演出過幾場騷，觀眾反應不俗，令她恍如注了強心針般﹕「其實我之前都試過以觀眾身份，入場參加過Beat_friday嘅廣東歌派對，佢哋專登搵經典廣東歌嚟remix，每首歌淨係播出開頭melody，已經全場人跟住一齊大合唱。我覺得好治愈同減壓，況且打碟可以擺好多自己嘢落去，掌控晒成個程序，好容易發掘到箇中樂趣，我諗我會繼續發展落去㗎﹗」

東網網站 : https://on.cc/東網Facebook專頁 : https://www.facebook.com/onccnews/