【中環美食】$388歎足6道正宗葡萄牙菜+無限任食獨家開心果牛奶米布甸 – Casa Lisboa

呢間位於中環鬧市屹立咗16年，由來自葡萄牙總廚親自掌廚的正宗葡萄牙菜餐廳，推$388位食6道正宗葡式菜，由前菜到主菜，仲有無限甜品，性價比爆棚。頭盤已經有四款，傳統薯絲炒馬介休、時令生蠔配葡萄牙Gazpacho番茄湯、招牌葡式燒鵪鶉及Piri Piri醬煮椰菜花配鷹嘴豆蓉，款款都見心機。而主菜方面，每人可以揀傳統燒八爪魚、焗鴨飯、葡式烤乳豬或葡式烤西冷，全部都係招牌之選。另外甜品方面，牛奶米布甸雙重驚喜分別有經典肉桂味及開心果味，店員會喺你面前將米布甸逐一分到碟上，儀式感滿滿，食幾多加幾多，無上限！

▲傳統薯絲炒馬介休 ，香脆薯仔絲，配上馬介休絲、洋蔥、大蒜同嫩滑雞蛋，馬介休嘅鹹香同薯絲嘅酥脆完美結合，口感層次豐富，入口即化。

▲時令生蠔配葡萄牙 Gazpacho 番茄湯汁，用來自法國西部的Marennes-Oléron生蠔，肉質爽脆，豐有海水鮮味。配上用新鮮番茄、青瓜、甜椒同洋蔥製作嘅葡萄牙冷湯，酸甜清新，清爽又開胃。

▲招牌葡式燒鵪鶉 ，用肉質細嫩嘅法國鵪鶉，以辣椒、蜜糖、葡萄牙白酒、迷迭香、百里香等香料醃足48小時，再烤至外皮香脆，肉質juicy。最後用迷迭香煙燻，香氣撲鼻。

▲Piri Piri 醬汁煮椰菜花配鷹嘴豆蓉，椰菜花塗上葡萄牙常用醬汁，紅椒醬、紅椒粉、白酒、橄欖油、辣椒粉、大蒜和檸檬腌味焗至金黃香脆，底層配幼滑鷹嘴豆蓉，點綴石榴粒，酸辣惹味同creamy，素食都啱。

▲傳統燒八爪魚配 Esparregado菠菜青醬(另加$38位)，新鮮葡萄牙八爪魚，燒到外脆內軟，彈牙又juicy。配上菠菜製作嘅傳統 Esparregado青醬，鮮甜濃郁，提升八爪魚海鮮風味。

▲招牌焗鴨飯，米飯用新鮮鴨骨湯慢熬，吸盡鴨香精華，焗到表面微微香脆。飯中夾雜手撕鴨肉，油香四溢，充滿濃郁鴨味。

▲傳統葡式牛奶米布甸，分別有經典肉桂原味及開心果味。經典肉桂味奶香濃郁，米粒軟糯飽滿，灑上玉桂粉，香氣撲鼻。開心果味混入濃郁開心果醬，面頭仲有開心果碎同朱古力碎，開心果味突出。

Casa Lisboa Gastronomia Portuguesa

地址：中環雲咸街 63 號巴力大廈 2 樓
電話：2905 1168

6 道菜 「Taste of Portugal」晚市菜單＋無限追加傳統葡式牛奶米布甸及開心果牛奶米布甸

價錢：每位 $388 (另收加一服務費、最少兩位用)
供應期限：即日起至 2025 年 7 月 31 日 (公眾假期除外)
逢星期一至星期四在晚市時段由 6pm 開始供應

文字：香港人遊香港