由於係訓練入面再次拉傷小腿，紐亞將會再缺席兩個星期

拜仁龍門紐亞係今個月頭拜仁3:0擊敗利華古遜歐聯16強首回合比賽慶祝梅斯亞拿入波受傷，之後缺席左歐聯16強次回合比賽、對住波琴同埋柏林聯兩場德甲比賽。事實上，紐亞係過去兩個星期一直努力尋求復出，但拜仁琴日宣佈紐亞係訓練入面再次拉傷小腿，需要休息兩個星期🫠

紐亞都可以肯定唔會參加對住聖保利同奧格斯堡嘅德甲比賽，而且都無咩可能參加對住國際米蘭歐聯8強首回合比賽，呢位德國🇩🇪龍門目標就係對住多蒙特或者對住國際米蘭次回合比賽復出🥺

拜仁之前宣布二號龍門烏比治因傷退出今個月德國U21大軍名單，而根據Tobi Altschäffl消息指出今次只係預防措施，預計烏比治係嚟緊呢個星期恢復訓練。烏比治係上星期對住柏林聯德甲比賽犯咗一個嚴重錯誤導致球隊失波，依家係時候把握機會再次證明自己實力🙂