消息指拜仁會盡力爭取今年夏天簽入利華古遜中場域斯

根據德國天空體育消息，拜仁會盡力爭取今年夏天簽入利華古遜中場域斯，而拜仁同利華兩間球隊已經進行實質性談判。消息指利華古遜要求收到超過1億歐羅固定轉會費，所以拜仁計劃減球員人工同賣走球員去為呢單轉會提供資金🙃

消息指利華古遜希望域斯下個球季可以繼續留喺球隊，雙方就未就續約達成協議。不過，利華古遜仲係幾放鬆，希望同域斯完成續約。與此同時，英超球隊曼城都對於呢位德國🇩🇪中場表現展示出濃厚興趣🙂

根據圖片報消息，域斯同利華古遜體育總監路菲斯達成協議，將會係球季完結之前決定會唔會續約。至於域斯同利華古遜續約就取決於利華古遜今季成績，如果利華殺入歐聯8強，呢個將會成為續約重要因素，但如果歐聯被淘汰出局，域斯可能會懷疑利華古遜係咪有能力令自己繼續發展😶