阿Bu做訪問疑準備不足　農夫「又問呢啲？」惹熱議

《100毛》、《毛記電視》創辦人姚家豪（阿Bu）主持的網上節目《會80》近日播出訪問農夫（FAMA）一集，引起廣泛關注。節目中訪問過程多次出現問題重複及內容欠深度的情況，期間阿Bu更即場承認「我唔知道問你哋咩嘢」的場面，隨即引發網民熱議。

阿Bu在訪問的開始就向農夫提問「最窮試過係點？」，6永即時回應「又問呢啲？」，C君則表示：「哇真係問，完全冇話tag落去，慢慢，總之份稿寫咗就問」，6永亦表示相關問題「其實我哋真係講過好多次」。阿Bu隨即解釋曾於過往訪問中談及同一主題。不過網民則唔收貨，批評他準備不足，連過去問過的內容亦記不清。

其後阿Bu再問到外界對農夫評價由批評轉為讚賞的看法，問道：「早幾年大家彈你地多過讚你地啦，近排就盛讚你地啦，咁你地點睇？」農夫即場爆笑，C君直指該問題屬「想搵一個tag包裝好啲，將個『點睇』放係後面，想將嗰問題組織得好啲」，還特意亂回：「用電話睇，小部分有iPad，最少就用電腦睇」，完全唔按阿Bu預期回答，阿B完全無力招架。

訪問中最受關注的一幕，是阿Bu突然向農夫問「你哋近排點？」並隨即笑言「我唔知道問你哋咩嘢」，再建議「你都係跟返（稿）啦」，農夫即時表現驚訝。相關片段播出後，有網民留言表示「未聽過主持訪問會咁講」，亦有人直言「問題就唔識問」。

不少網民對阿Bu的主持表現表示不滿，形容其提問模式多年如一，問題流於表面。有觀眾指出其發問語氣「高高在上，好似老師問學生書咁」，亦有人批評主持問完問題後未有追問或接話，令嘉賓自行發揮，互動不足，內容顯得空洞。亦有留言指節目過分著重形式，例如要求嘉賓穿白色服裝。

相對之下，農夫在節目中的反應及臨場發揮獲部分網民肯定，有人形容二人「反而成為真正主持」，亦有人讚其回應「答得好好笑」，成功令節目得以完成。