【學業】中學學歷媽媽回歸校園 女兒驚訝成績比自己好 網民猜一原因無溫書都有佳績
讀書成績好與壞，除了勤力外，天份亦佔一定因素。本地一名女學生，指只有中學學歷的媽媽重返校園，她早上上班，晚上上堂，在沒有溫書的情況下，成績竟然比全職讀書的女兒好得多，網民猜測一個原因令媽媽有好成績。
Photo from 《Alice》劇照
媽媽重返校園
女學生在討論區《Dcard》發帖：「媽咪讀返書，佢GPA高過我」，她指媽媽小時候家裏貧窮，而且人口眾多，因此沒有錢上大學，完成中學後便出社會工作。在事主心目中，媽媽的「理解能力、記性同表達能力真係好好」，大約兩三年前，可能見孩子已長大，媽媽決定重拾書本，作為女兒，事主十分支持媽媽。
事主說：「因為佢冇讀到大學，所以佢都想讀返書，都係同佢份工有關嘅。佢係一邊返工一邊喺hku space讀書(放工之後返學)，依家都係同我一樣要non-jupas駁返上大學。」
Photo from 《歸去來》劇照
媽媽GPA達到4
媽媽放下書本多年，加上日間還要上班，晚上抽時間上堂，理應非常辛苦。令事主驚訝的是，半工讀又要照顧屋企的媽媽，GPA（Grade Point Average，成績平均績點）竟然比女兒高很多。
她說：「平時都唔見佢會溫書，不過佢係好早就做好asm（功課）嗰啲人，佢依家開始諗上返邊間大學，琴晚問返先發現佢GPA有4，差唔多每份asm都有A，冇A都有B+。」
Photo from MamiDaily
自覺天資欠佳
媽媽表現優秀，事主反觀自己成績低下，覺得很慚愧。「我今年year 1，sem 1只係差啲掂3（GPA），雖然我上個sem嗰啲科都唔係自己有興趣嘅科(呢個sem先係)，但我覺得好羞愧，我係全日制學生，又冇返工都搞成咁，佢日日都要返工，時不時要加班，都可以有呢個成績，我真係要努力啲。」
雖然成績不及媽媽，事主沒有因此妒忌，反而替媽媽高興。「見到佢GPA有4，依家終於可以慢慢揀大學我都好開心。」自覺自己喜歡讀書，只是天資沒有媽媽好，直言上個學期已經盡了力。
網民紛紛安慰事主，「你好叻啦，盡咗自己嘅力就夠啦，不如諗吓點樣可以以自己嘅方式處理自己唔鍾意嘅科」、「讀書呢樣嘢唔係個個人都掂，唔使咁樣自責，如果覺得自己未盡力嘅咁咪繼續努力囉」。不過亦有人打趣事主，指她的經歷猶如「愛回家情節」、「你有冇問佢你係咪親生嘅，基因好似差咁多咁」、「媽咪心諗：唔係生左你件叉燒、我博士都讀完」。
Photo from 《加油媽媽》劇照
網民分析媽媽成績好因素
不少人跟事主分析，媽媽之所以成績優秀，很大可能是有工作經驗。「你阿媽踏足過社會，個人成熟啲，喺處事方面自然就會有自己嘅一套，同埋會識得點樣管理」、「伯友打咁多年工，工作學到嘅野都有幫助到佢學習嘅」、「其實返緊工可能本身就有相應既知識同埋處理手法，所以好多人返工再讀返書都係勁啲」。
加上媽媽年少時沒有錢上學，現在有能力讀書，自然珍惜機會，「出過社會做嘢會更加珍惜讀書嘅機會」、「你阿媽真心想讀，啲功課又早KO，自然多啲時間去消化，我諗你阿媽都好珍惜依次機會」。大家亦認為，兩母女一起學習事半功倍，建議事主「得你可以請教佢時間管理方面既技巧，絕對對你有幫助」、「得閒同佢交流下讀書心得都好吖」。
Text：Mami Editorial
Source：《Dcard》
留言 1