跑步與人：Maya

1. 跑步年資？為什麼開始跑步？

如果要認真數，由小學已經參加學校4 x 100m 嘅比賽；但認真練習就係呢四、五年內嘅事。

2. 有沒有跟跑會或教練跑？選擇原因？

無跟跑會/教練，一直都係自己跑，直到近年成為 Under Armour Core Member。

3. 跑步跟工作有沒有關係？

我係一個運動教練，所以跑步同我工作都有關係。有去教小朋友田徑班，有同學生一齊練跑，教佢哋點樣提升表現，跑快啲、跑得輕鬆啲。

4. 喜歡的跑步用品品牌？最喜歡一對跑鞋？選擇原因？

我鐘意UnderArmour 嘅sportswear 同埋跑鞋。最鐘意就係UA Flow Velociti Elite ；不論外形、鞋面設計，同埋碳板都無得輸。加速、減速都容易做到，而且能夠加強每一步接觸地面後、回彈的力量。

5. 有沒有因為跑步而放棄了其他運動？

無，所有運動都可以並存。

6. 運動對人生有沒有幫助/改變？

絕對有，當初認真每日練跑，係為咗醫好情緒病。情緒困擾非常common，最重要係拯救自己。負面念頭經常出現，於是每朝跑，幾熱幾曬都跑，叫自己堅強，勇敢面對每一個困難，突破自己。

7. 除了跑步，有沒有做交叉訓練？（例如舉重/游泳/瑜伽）對跑步有沒有幫助？

有，有做weight training 加強肌耐力；做嬋柔（Gyrotonic）去強化脊椎，令身體變得更靈活。

8. 有沒有運動傷患？如何處理？

有，膝頭試過有水囊，半月板因為長期單膝跪地工作，都唔太好；膊頭試過訓練時一下唔留神，扯傷深層肌肉。身體因為跳舞有功能性脊柱側彎；但無放棄練習，反而去睇完rehab，做練習強化核心穩定性，練好細肌肉；而家做訓練都變得更輕鬆。

9. 怎樣鼓勵新手開始運動？

要人生作出改變，就坐言起行。因為人生只會活一次，時間從來唔等人。

10. 喜歡什麼時段跑步（晏跑/晚跑）？為什麼？

以前喜歡朝早，6/7am；因為好想見到天光，鼓勵自己每日都會見到光，只要我堅持；前排就轉晚上，因為當時夏天實在太太太太熱。

11. 未來有跑步目標嗎？原因？

未來無好大嘅目標要去追，當然想跑得再快啲，但堅持呢個習慣就十分好了。

12. 自己跑步跟作為 Run Crew 跑步的分別是什麼？

其實無論作為Run Crew 好，自己一個練跑都好，都係抱住一個信念，就係「堅持」。當有其他人一齊跑嘅時候，就會推動大家一齊完成；自己一個嘅時候就推動自己，成為更好嘅自己。

13. 有什麼社交媒體可以找到你？

IG: maya.thecoach

運動