何詩蓓分享比賽心得丨最驚的事原來係
香港游泳奧運選手何詩蓓近日密密備戰巴黎奧運，獲邀擔任國泰代言人的她，在拍攝最新一輯品牌廣告時，向大眾分享比賽的心情。
何詩蓓放鬆秘訣: 「乜都唔好諗」
問：詩蓓你參加咗咁多場國際比賽，面對奧運呢啲大型賽事應該經驗老到，你而家仲會唔會緊張？面對壓力嗰陣你會點處理？
答：而家真係比較唔會緊張，當我要搭飛機去其他國家比賽，我會揀啲比較較鬆勵志嘅電影嚟睇，國泰上面有好多唔同電影揀，我最鍾意睇反斗車王同功夫熊貓，次次睇完我啲鬥志即刻返番哂嚟。有壓力嗰陣，我會深呼吸，嘗試放空自己，乜都唔好諗。同埋，我會睇返自己練水同埋比賽嗰陣，每圈嘅心跳次數，嚟調整返自己嘅呼吸。
調整好心情
問：面對奧運呢啲咁大型嘅比賽，何詩蓓覺得最難克服嘅係咩？
答：對於我嚟講，最難應該係游完一輪，成績唔好，第二日要繼續比賽，唔只要即刻調整好個心情，話俾自己聽要堅持唔好放棄，仲要盡快恢復返體力，用最好狀態迎接第二日嘅比賽。
最驚Delay
問：去外國比賽最驚遇到咩情況？
答：最驚係長途機訓唔到、飛機唔準時同埋行李唔見咗，因為比賽段時間好需要全神貫注，呢啲瑣碎嘢好耗神，但我搭開國泰好少會有呢啲情況發生，啲行李從來都冇唔見過。
何詩蓓比賽前的儀式感
問：你比賽之前有冇咩特別習慣或者賽前儀式？會唔會帶住自己嘅幸運符或者吉祥物？
答：我唔係啲迷信嘅人，所以冇乜特別嘅賽前儀式，但同好多職業選手一樣，喺落水之前會用按摩滾輪幫自己拉吓筋、伸展吓咁，做好哂熱身先落水。我有個比較特別嘅習慣係會整靚啲手指甲先去比賽，個感覺就好似幫自己換咗副戰鬥格咁，等自己嘅鬥志高昂啲，哈哈！
練水兼健身
問：咁你而家嘅訓練行程係點樣安排？通常會做啲咩鍛鍊身體？
答：我每個禮拜都有 10 節游水訓練，除咗禮拜日之外，其餘時間都會去泳池練水。除咗練水，仲會每個禮拜做 2 次健身，係咁踩部單車機同埋做瑜伽，鍛鍊自己嘅肌肉強度，間唔中仲會做下深蹲、引體上升同伏地挺身，呢啲健身動作對游水都好有幫助。
針對細節去提升自己
問：我哋都知道職業選手嘅實力已經有返咁上下，訓練嗰陣仲可以點樣去提升自己嘅速度，喺咁多精英之中突圍而出？
答：當你去到有精英運動員嘅實力，就算淨係提升 0.1 秒都好難，所以我哋要針對每個細節去改進。我同教練會不斷睇返我練習同比賽嗰陣嘅錄影片段，去分析返仲有咩細節可以再做好啲，例如上水抖氣嗰陣頭嘅角度，又或者踢水嘅時機。去到奧運呢啲等級，決勝嘅關鍵通常就喺呢啲細節到。
追求突破
在最新一輯國泰廣告，內容以何詩蓓的日常練習片段為主軸。土生土長的詩蓓，自幼堅持刻苦練水，日復一日地練習各套游泳動作，由踢水、閉氣、轉身、以至重量訓練，務求將每一個動作練到極致，藉此不斷突破自己的成績。鏡頭將詩蓓努力的訓練過程記錄下來，希望讓觀眾感受到詩蓓對每個細節的執着及力臻至善，正正反映港人永不止歇，在每個細微處上追求突破的決心。
請追蹤癒報:
Facebook: hkhealpy
Instagram: hkhealpy
YouTube: @HealpyPost