Anson Lo自爆被偷影　底褲Look有機外洩

男圑MIRROR中的「人氣王」之一Anson Lo（教主）入行7年，吸納了120萬粉絲，雖然大部分的「教徒（粉絲暱稱）」相當守禮，不會添偶像煩惱，但當中亦不乏「狂迷」，令教主十分頭痕。

日前教主到電台為新歌《你都有今日》宣傳，接受電台主持人當奴及少爺占訪問時，自爆曾被偷拍家居生活，嚴重侵犯了其私隱權，他說：「住喺舊屋時，曾經收過粉絲嘅DM（私訊），佢話影住我屋企，咁有層紗嘅，但層紗就睇到我淨係着咗條底褲！」眾主持人均為教主被睇蝕而大感驚訝，教主續說：「咁我自己一個人住，喺屋企着住條底褲都好正常，佢就叫我小心啲啦，如果唔係就會畀人影啦。」

雖然教主覺得對方的私訊屬善意提醒，但已嚇到他不敢再拉開窗簾，只是又考慮到家居因長期「不見天日」，欠陽氣令氣場變差，所以現時又再拉開窗簾，還呼籲粉絲不會再偷拍其私生活：「唔好再Send呢啲相去衝擊我。」不少網友對教主被偷影了「露底照」而抱不平，指偷拍者行為過分，變相剝削了教主在家中「奔放」的自由。

東網網站 : https://on.cc/東網Facebook專頁 : https://www.facebook.com/onccnews/