「賽馬會好動城市計劃」助兩子媽媽重拾舞蹈夢 免費運動班鼓勵市民運動 齊齊投入Fit Friday

由前香港輪椅羽毛球代表陳浩源主持的新城廣播知訊台節目《體你有冇份》，日前請來凝動香港體育基金項目助理鄺穎兒（Winnie），講述由賽馬會策劃及捐助、凝動香港體育基金合辦的「賽馬會好動城市計劃」，如何鼓勵市民投入運動，而參與計劃的媽媽余子琪（Katy）則分享運動對她的改變。

免費契機重啟運動熱忱

Katy坦言參與契機源於網絡搜尋：「當時幫小朋友搵興趣班，發現呢個跳舞班，自己生咗兩個小朋友後已經好耐冇跳舞，最大吸引力係免費，而時段又合適，所以決定試吓。」她完成首期課程後，雖對追加表演環節有顧慮，擔心舞技不足或時間難以配合，但最終仍突破自我完成演出。

8小時速成演出 觀眾反應熱烈 Winnie證實參加者表現優異：「當日兩班學員經過8小時訓練就上台表演，觀眾反應好熱烈。」計劃設計旨在降低運動門檻，除了益智有趣，還有大型活動，Winnie表示：「我哋提供瑜伽、詠春、劍擊、滑板等多元運動項目，(上課地點及)交通亦好方便，通過遊戲教學畀『Sport Zero』（零運動基礎者[RN1] ）享受過程。」

運動重塑家庭互動

Katy參加完是次計劃後，身心靈都略有改變，她強調最大收穫是「找回自己」：「照顧小朋友會以佢哋為中心，今次好『任性』放低佢哋畀家人照顧，自己去跳舞反而帶來正能量。」Katy更將影片分享給孩子：「小朋友睇到手機入面我跳舞，佢哋由抗拒跳舞，變成同我一齊切磋，甚至一齊參加參賽。」儘管孩子臨場怯場，只能抱著他們轉圈完成表演，但亦成為Katy與孩子們的珍貴回憶。

突破「Sport Zero」心魔

針對市民抗拒運動的主因，Winnie分析：「都好多原因，好多因為返工冇精力同時間，第二種係覺得做運動好攰好辛苦。」Katy以自身經歷補充：「細個好驚表現唔好，畀人望住又會尷尬，好難衝破關口，只要踏出第一步後就可以。另外，同班學員嘅鼓勵亦好重要。」計劃亦推出「Fit Friday」企劃，鼓勵上班族把握週五下班後放鬆運動。