《Z世代咪高峰會》｜女團VIVA自爆宿舍「夜貓」生活 為爭取Me Time挑戰公司誡條

女子組合VIVA昨日到新城廣播接受《Z世代咪高峰會》訪問，宣傳新歌《FOMO》，並分享她們溫馨的宿舍生活。VIVA透露老闆楊受成借出物業給她們做宿舍，目前已住了大概兩個月，宿舍由她們親手打造而成，「本身係冇任何傢俬喺裡面，我哋要搬傢俬、買一啲日用品，傢俬全部都係我哋一手一腳砌出嚟。」

對於老闆的支持，VIVA表示非常滿足，並感激公司提供大量資源，不過當提到公司定下「十誡」，當中規定她們每晚上要11時關燈，VIVA即時起哄，坦言她們都是「夜貓」，最晚可到凌晨3點才睡，她們解釋晚睡的原因是希望擁有個人「me time」，「真係冇嘢做、冇人搵你，或者冇咩需要忙嘅時候做，先會遲一啲瞓。」

同住一個宿舍，成員們就寢時間相近，但起床習慣不同，有人一醒就關掉所有鬧鐘，也有人讓鬧鐘持續響到出門，她們認為同住需培養一致作息，但彼此容易受影響，例如有人怕吵到別人而迅速關鬧鐘，也有人因房間昏暗而難以早起。

至於四人會否搶用洗手間？VIVA表示沒有這方面的煩惱，她們解釋：「我哋嘅洗手間係乾濕分離，可能有一個人沖緊涼，另一個人就會話『你陣間可唔可以唔好閂門，我可能入去整啲嘢』，可以一齊用。」

另外，歌手周卓盈（Mic）昨日亦在節目中宣傳其親自作曲的新歌《救與被救》，歌曲探討如何面對不開心，並指出真正能拯救自己的只有自己。問阿Mic如何處理負面情緒？她表示除了唱歌，也熱愛看書和看劇，且有個習慣會反覆觀看同一部劇或閱讀同一本書，這個過程能讓她無需思考其他事情，專注於劇情，從而有效舒緩不開心。

Mic雖然喜歡向朋友傾訴，但問題仍需自己解決，她指：「傾訴能夠抒發情緒，但唔開心依然會存在，最終或會靠寫日記或實際行動解決問題。」

圖片：新城廣播