周家怡揸車遇對頭車撞起雪糕筒　慶幸冇擊中擋風玻璃徵車cam片

周家怡昨晚（3月3日）在threads出帖文分享日前在將軍澳隧道出觀塘方向發生交通意外，並公開徵求錄得意外發生經過的車cam片。周家怡直言：「不幸中嘅大幸就係佢冇飛埋嚟擋風玻璃，如果唔係我應該就走咗㗎喇。」

周家怡在帖文分享座駕損毀的照片，寫道：「話說係星期六夜晚3點3左右，即係星期日嘅凌晨3點3左右，我喺將軍澳隧道出觀塘方向，嗰晚整緊路，對面有架車撞到啲雪糕筒，雪糕筒上面有盞燈，黃色圓形下面有嚿大鋰電嗰啲呢，成盞飛起撞落我架車度，跟住佢就變成下面張相咁，阿May（即其座駕）個車頭燈都爆埋，不過不幸中嘅大幸就係佢冇飛埋嚟擋風玻璃，如果唔係我應該就走咗㗎喇。我想喺度睇吓嗰晚唔知會唔會有人有車cam 錄到事發經過呢？希望thread幫到我」

周家怡之後再補充：「係喎，我唔記得講清楚，我係已經出咗將軍澳隧道，應該係近住轉去秀茂坪嗰個路口對出嘅位置，因為嗰日修路，所以出隧道嘅車都係過咗對面入將軍澳隧道嗰邊線。」、「感謝大家，我已經報咗警，不過未知查唔查到。」不少網民為周家怡轉發po，又主動將事件放到將軍澳街坊群組。強尼亦在IG限時動態轉發其帖文，寫道：「有冇朋友幫到周家怡？」周家怡轉載並回覆道：「點解呢個人咁sweet㗎」。