Raya Heritage‧納蘭米鄉有機早餐🌼🌿✨

承上Post，繼續分享Raya Heritage嘅高質早餐！（真心超推薦，切勿貪睡skip哦！）

早餐在酒店餐廳Khu Khao Restaurant內享用。餐廳以納蘭米鄉為主題，抬頭可以見到一個個巨大米篩，以及有由清邁黑柚木建成嘅木架天花，據說呢個天花係以泰北古老建築手法製成，木頭與木頭間用相互交縱交嘅方式固定，完全無用任何釘子建成呢（感覺有啲近似中國嘅榫卯木工呢…！😆）。大量以木材傳達泰式建築嘅寧靜與平和，置身其中，自帶一種好Chill好舒適嘅感覺！

至於早餐，Khu Khao Restaurant係採取單點套餐制，不會似一般酒店以自助餐形式造成浪費。（雖然單點，但唔夠可再落order，基本上一定吃到飽！）餐點類別分傳統泰式、亞洲風、西式、素食、以及健康飲食菜單等，幾多選擇！

此外，餐廳仲主打有機農作料理，絕大部分入饌嘅菜蔬都係自行栽種，即摘即食，夠晒新鮮有益！

✦ Lanna Platter

呢款係餐廳招牌嘅泰北早餐併盤！ 有 泰北辣椒醬、 糯米飯、五香豬肉腸、炸豬皮及炸魚塊，非常豐盛！食上口，整體偏濃味，每樣少少，唔晒咩都想試下嘅人。

✦ Organic Free-range Eggs

西式早餐可選擇有機蛋嘅料理方式及兩款肉類。今次我哋揀炒蛋，果然蛋味香濃，夾包一流！肉則揀煙肉及豬肉腸，正常發揮。

✦ Mango & Coconut Yoghurt Bowl

值得一讚係佢嘅乳酪Bowl唔會太凍（香港好興加冰攪碎🙃）， 芒果夠靚，清甜冇渣， 椰子好香濃， 仲有少少有機蜜糖，正！推薦！略嫌份量有點少，所以叫了2個才夠喉。😂

✦ Signature Pancakes
呢隻係美式pancake，比較實心，口感較豐富。個人覺得啲雜果酸咗少少，但Venus寶好受落，愛酸嘅朋友必食。

★－:+:－:+:－:+:－:+:－★

Raya Heritage
◌地址：157 Raya Heritage, Don Kaeo, Mae Rim District, Chiang Mai
◌ Kraam泳池套房：THB ฿14783（約HK$3,350），房價連早餐

★－:+:－:+:－:+:－:+:－★