土瓜灣8度餐廳 低至8折享用海鮮狂歡饗宴自助晚餐
今次去到土瓜灣八度海逸酒店呢邊食buffet
都係第一次係到食～ 10/12 前，去佢地e-shop
預訂平日日子仲有8折優惠 ($598)
星期六日有85 折 ($688)
首100位有9折優惠
另外 成人都有二送一優惠
今次佢地主題係海鮮🐙🦑🦐
當中即開生蠔、醬燒鮑魚、海鮮市場
都係佢地今次重點🫶🏻
▪️海鮮▪️
自助區有鱈場蟹腳、青口、東風螺等
特別推薦蟹腳 鮮甜多肉 有海水味
另外亦有即開法國生蠔🦪 有分兩款
幾新鮮～ 都清洗得幾乾淨 一款較鮮甜飽滿 另一款海水味較重 偏咸
鮑魚都幾入味 不過可能放耐左有啲韌
側邊仲有個自選海鮮市場 即叫即製
配料有:青口、花甲、魷魚、
海蝦、東風螺、扇貝及蠔肉配魚湯
十分足料 魚湯雪白鮮甜😆
整體嚟講海鮮都唔錯 不過冇龍蝦都係爭咁啲🤣
▪️壽司刺身▪️
刺身特別推薦三文魚、赤貝同油甘魚🙆🏻♀️
三文魚好肥美 另外有: 鯛魚、比利時紅蝦
拖羅就正正常常無咩味🤣
鍾意都可以試下和牛刺身
▪️熱葷菜▪️
比想像中多選擇 都頗出色
重點推介: 蒜蓉辣椒焗蠔、芝士焗蠔、椒鹽軟殼蟹、燒牛肉等～ 另外仲有中湯都幾推薦
呢兩款蠔比較飽滿 唔會好腥
軟殼蟹口感酥脆 香辣惹味
另外仲有燒牛肉同埋燒腩仔
牛肉配上黑椒汁同埋芥末醬幾夾
肉色粉嫩唔會太乾～
中湯有蟲草花螺頭燉雞湯 幾滋補
入面都好足料🙆🏻♀️
仲有好多其他選擇
例如係咖喱、小籠包等等 包羅萬有
略嫌小籠包個皮太腍同有啲厚
▪️甜品類▪️
有中式甜品同埋西式甜品☺️
比較特別嘅，例如有榴槤班戟、葡撻、窩夫
幾舊介食榴槤pancake 都幾多榴槤蓉
不過係多少少忌廉
另外都有任食嘅movenpick 雪糕
椰子味幾好食😋
最後蛋糕嘅話最推薦就係芒果拿破崙
層皮口感酥脆～ 另外都有好多其他款式嘅蛋糕
中式甜品有蛋白杏仁露、豆腐花
都唔錯🙆🏻♀️🙆🏻♀️
📍8度餐廳@8度海逸酒店
土瓜灣九龍城道199號8度海逸酒店地舖
▼Follow @sa_foodieadventure