車路士及紐卡素有意收購多蒙特門將高保

根據圖片報消息，英超球隊車路士同紐卡素都對多蒙特龍門高保好有興趣，而車路士方面已經計劃今個星期係英國倫敦同高保團隊進行見面。雖然高保對多蒙特有一定歸屬感，但係佢願意展開職業生涯新一頁😶

消息指如果轉會費去到6000萬歐羅，多蒙特高層願意展開談判，而歐聯參賽資格都會成為呢單轉會關鍵因素。如果多蒙特未能拎到歐聯參賽資格，高保離隊可能性將會大幅增加，因為高保希望繼續參加歐聯比賽，而多蒙特失去歐聯獎金，球隊需要依靠轉會收入改善財政情況🙃

事實上，高保同多蒙特合約去到2028年夏天到期，而係今年冬天多蒙特用咗500萬歐羅轉會費由阿積士簽入23歲龍門魯馬治（Diant Raman），呢位德國🇩🇪球員依家借俾哥本哈根效力半季，睇嚟多蒙特已經為高保離隊而做好準備🙂