甘國亮傳患失智症送院治療　賈思樂證好友健康欠佳極擔心

有傳資深製作人甘國亮近日疑患失智症，要入醫院治療。其密友Alex拒絕對事件作出回應，而好友賈思樂則證實甘國亮健康狀況欠佳。甘國亮近日在新片獲高度讚賞，可是近年已絕迹公開場合。今日有傳他疑似患有失智症被送往醫院接受治療。

對此其密友Alex拒絕作出回應，但好友賈思樂證實，甘國亮近年身體狀況確實欠佳，如今被送入院治療，令他感到十分擔憂，賈思樂坦言3個月前曾與甘國亮談了一小時電話：「電話中佢誠心同我道歉，因為身體唔好，去唔到去年10月，我搞嘅慶祝登七兼入行50周年演唱會。」賈思樂透露，過往每次演出，甘國亮必定親臨現場支持：「但去年佢竟然冇嚟，更加冇回覆，我都覺得好奇怪，後來電話中解釋返係身體唔好，但就冇講到健康出咗咩問題，希望佢冇事啦，我都會去關心一下。」

東網網站 : https://on.cc/東網Facebook專頁 : https://www.facebook.com/onccnews/