衛蘭巡唱「失聲」　馮允謙送愛心蜜糖

歌手衛蘭（Janice）昨晚在澳門舉行巡唱，但被現場歌迷指發生「嚴重事故」，事緣她甫上台唱第一首歌《一格格》時，只見她口噏噏但未聞歌聲，幸好維持了約一分鐘便回復正常。獻唱多首代表作後，嘉賓馮允謙（Jay）上台成為個唱「彩蛋」，兩人合唱《家門》，Jay再獨唱《遠在眼前》，事後有網民搞笑留言：「不知他是誰，但他唱得超級好聽。」

有「禮儀先生」之稱的Jay，過往常在演出上送心意禮物給歌手朋友，今次繼續做「送禮謙」說：「我知你要做演唱會，成日用聲，把聲會好攰，所以送支蜜糖畀你，希望佢好似你咁Sweet、咁甜蜜。呢度有張相，係我哋2021年合作做騷嘅相，嗰次好好玩，你食住呢樽蜜糖時可以望住張相。」Janice即表示希望再合作。騷後她現身大堂跟歌迷互動，因人多擠迫而露出趣怪表情。

東網網站 : https://on.cc/東網Facebook專頁 : https://www.facebook.com/onccnews/