香港美食：【灣仔食東歐百年傳統名物！手臂咁粗煙囪卷！外脆內軟！設5款口味！必試肉桂味再配雪糕！】-BAKERY BY THE GRAND

香港美食｜東歐古法煙囪卷登陸灣仔！即嗌即整打卡甜品

百年東歐傳統甜點「煙囪卷」終於喺香港都食到啦！位於灣仔嘅新開嘅BAKERY BY THE GRAND，將呢款歷史悠久嘅特色美食帶來香港！煙囪卷由特製酵母麵團製作，獨特之處係加入咗天然蜜糖，令整條卷都充滿住濃郁嘅蜜糖香！師傅會將麵團揉成長條，再纏住特製木條上面，撒上幼糖烘烤，整成螺旋形狀，外脆內軟，食落層次感十足！煙囪卷設有多種口味，有肉桂同榛子醬等，推介配搭雪糕一齊食，鬆脆冰涼，雙重口感！而且全部都係即叫即製，保證新鮮熱辣送到你手上！除咗煙囪卷，店鋪仲有多款每日新鮮出爐嘅烘焙精品，包括蜂蜜牛角包、中東開心果牛角包、巴斯克芝士蛋糕同埋酥皮蛋撻等等，款款都係人氣之選！另外，店內更有咖啡提供，咖啡豆由世界各地精選，更自家特設咖啡烘焙房，早餐咖啡麵包一間店就搞掂夠方便。

▲ 每日新鮮出爐經由人手製作的各式烘焙美食。

▲ 煙囪捲（肉桂 $68）：煙囪卷由特製酵母麵團製作，獨特之處係加入咗天然蜜糖，令整條卷都充滿住濃郁嘅蜜糖香！師傅會將麵團揉成長條，再纏住特製木條上面，撒上幼糖烘烤，整成螺旋形狀，外脆內軟，食落層次感十足！煙囪卷設有多種口味，有肉桂同榛子醬等，推介配搭雪糕一齊食，鬆脆冰涼，雙重口感！而且全部都係即叫即製，保證新鮮熱辣送到你手上！

▲ 蜂蜜牛角包 $36 ：以品牌吉祥物蜂 Bee 為靈感，製作成黑黃相間的可愛蜜蜂造型；中東風開心果牛角包 $38 ：結合中東風味同法式糕品的工藝，內餡使用濃郁香滑嘅開心果醬。

▲ 巴斯克芝士蛋糕 $45/100g：可以自選口味及大小，以重量計算訂價收費，有多款口味選擇，包括西西里開心果，本地蜂蜜、馬達加斯加雲呢拿、法芙娜黑朱古力、北海道南瓜、日本丸久小山園青嵐抹茶及日本九鬼芝麻。

▲ 酥皮蛋撻（原味 $20；朱古力味 $22） ：每日人手新鮮製作，口感非常酥脆。

▲ 燒韓牛本地蜂巢蜜沙律 $258 ：整個沙律系列提供了各款加入新鮮本地蔬菜的選擇外，更添加了原個蜂巢切割以來的蜂巢蜜，令美味可口的清新沙律，增添了天然蜂巢獨有的清甜味道。

▲ 日本丸久小山園青嵐抹茶鮮奶配抹茶雪糕 $108

▲ 泡沫黑咖啡 $62；椰子咖啡馬天尼 $85

▲ 北海道帶子、蕃茄、白酒、牛油、番茜、菜蓟 $238

BAKERY BY THE GRAND

地址：灣仔皇后大道東 183 號合和商場 3 樓 332-333 號舖
營業時間：08:00 – 21:00

圖片&文字：香港人遊香港