安歷基：我唔知道我哋差啲被淘汰如果我知嘅話，我應該會嚇到心臟病發

雖然西班牙🇪🇸係世界盃分組賽1:2輸比日本🇯🇵，不過拎住4分嘅西班牙🇪🇸憑住得失球優勢壓過德國🇩🇪，以第二名出線，16強對手係今屆黑馬球隊摩洛哥🇲🇦

西班牙🇪🇸教練安歷基賽後接受訪問就話「我一啲都唔開心。我想成為呢組第一，但係日本係5分鐘內連入兩球，而我哋係10分鐘內被人打敗。」

安歷基仲話「對於今場比賽，我唔擔心嘅，雖今場比賽為我哋響起警號🚨，但係今場始終都係一場世界盃比賽。由依家開始，呢種情況會繼續發生。」

最後被問到對於哥斯達黎加🇨🇷曾經領先德國，而西班牙差啲就會被淘汰嘅問題，安歷基就話「我鍾意專注自己比賽。咩話，我哋差啲被淘汰？如果我知嘅話，我應該會嚇到心臟病發。」

▼ Follow Football.jai 足球仔

運動