親子KOL女兒推人被斥母女不道歉　被鬧小畜生阿爸嬲到哭

家長小孩們在遊樂場出現爭拗，本來屬小事，不過放上網分享後就成為熱話，網民各有意見，今次兩邊事主都被評擊，主角就是從事保險業的90後親子KOL「AndyBaba」，近日他分享和女兒外出遊玩時，女兒被鬧「畜生」，令他替女兒覺得委屈哭出來。

日前AndyBaba在社交平台分享，指自己和太太帶兩名女兒到兒童遊樂場，之後突然聽到有一位家長指有小朋友推撞其小朋友，鬧爆無管教。而AndyBaba亦承認女兒有時會這樣：「我個女有時真係會咁做，我哋唔懷疑，如果當刻見到，我哋一定會道歉，不過真係見唔到。」

而之後他和女兒去洗手間時，那被推撞小朋友的爸爸就指罵其女兒：「推小朋友又唔道歉，死畜生。」他就回應：「推小朋友係唔啱，但你絕對唔應該咁樣鬧我個女！」AndyBaba表示心情未能平復，更在女兒面前哭了出來。
而被推小朋友的父親，亦在社交平台匿名回應，指自己和幼女到達遊樂場時，妻子情緒激動地指小朋友被推撞：「據太太所講，我大B當時係出口位已經讓佢囡囡行先，但就俾佢一手推跌。」而對方家長、即AndyBaba的妻子卻似乎沒反應亦沒道歉：「當下聽到我太太咁講已經好嬲，而一來我本身係比較火爆衝動嘅人，二來聽起嚟呢個爸爸完全唔會係講道理嘅人，如果同呢啲人講道理其實嘥氣。所以決定直接喺廁所門口等佢，用最極端嘅反擊方法鬧佢囡囡『小畜生』。」更指本身已面對面解釋事件，但AndyBaba卻在網上公開批鬥。
此事引起網民熱烈討論，有人指AndyBaba縱容小朋友推人再扮慘不對，亦有人說鬧人「畜牲」的爸爸做壞榜樣。