【引發創意】PMQ暑假變身靈感發電廠
課外活動 每周好去處 教育放題
【引發創意】PMQ暑假變身靈感發電廠
於即日至8月17日舉PMQ元創方將變身為「靈感發電廠」，並動員逾300位9-12歲的「靈感工程師」，於活動期間，打造共54座互動十足的「靈感發電站」，並邀請小朋友「打卡」參與，以跨感官互動模式激發參加者的創意潜能。
PMQ 高級總監（品牌及項目策劃）周潔珊認為：「真正的創意源於對世界細膩的觀察與深刻的感受，而這些觀察可以透過多種感官來進行。今年 PMQ Seed 以「感覺大開」（Senses in Play）為主題，透過七大感官的探索，包括視覺、聽覺、嗅覺、味覺、觸覺，以及與身體感覺相關的「本體覺」和「前庭覺」，引導小朋友立體地理解世界，從中培養同理心與創造力，進而激發他們主動回應社會的能力。」
AaaM-Kevin (左)AaaM-樹人（右）
今年童創節最值得期待的互動體驗是什麼？
大家好我係AaaM Architects嘅Kevin，我係AaaM Architects嘅樹人。
童創節今年嘅主題係感覺大開啦，咁我哋特別營造咗一個靈感發電廠，呢個靈感發電廠其實喺七月同同學們一班三百幾個小朋友佢哋連續十日，分批嚟到我哋PMQ，做咗十個鐘嘅一啲工作坊，咁好多時候都會透過感官嘅體驗，激發到佢哋一啲想像同埋創作。
咁今次呢喺嚟到八月呢，特別將54座唔同嘅發電站，即係佢哋嗰啲創作裝置，就同公眾開放一齊分享一齊玩，而且係小朋友呢同大家去介紹，親自講下佢哋一啲創作理念，同埋同大家一齊玩，所以呢個互動體驗呢，我哋係覺得特別有趣嘅今次透過七感去設計引導我去創作。
如何透過「七感」設計引導兒童發揮創造力？
喺策劃成個靈感發電廠嘅項目嘅時候呢，其實我哋都有探討過原來我哋嘅身體感官啦同創意係很有關係嘅，好多時候呢我哋嘅感官會刺激到一啲創意嘅元素譬如我哋一啲生活體驗，到到我哋諗到一啲新嘅idea，到到我哋嘅情緒呀顏色呀，一啲回憶呀等等
咁呢啲呢都係我哋利用喺個工作坊裏面呢，畀咗一啲叫體驗式學習呢畀到小朋友佢哋再透過設計思維呢，應用落去佢哋設計嘅呢54組裝置裏面。
在策劃過程中遇到哪些有趣挑戰？如何克服？
我諗今年嗰個同創節其中一個最大嘅挑戰就係我哋要同300位小朋友啦咁多所唔同嘅學校啦，去一齊去參與整個創作嘅過程，咁呀無論喺呢個一個月裏面啦大家嚟到PMQ，一齊同唔同嘅導師去去共同去創作，咁呢個短嘅時間我哋亦都呈現到啲作品，都係一個比較大嘅挑戰。
咁我哋特別就住啲咁多嘅小朋友嚟自15間學校，54組我哋呢就除咗自己團隊之外呢，都搵嚟五組嘅創作單位啦，咁佢哋都嚟自唔同嘅界別，有啲平面設計產品設計到佢哋做開一啲裝置藝術，每個都有佢哋擅長嘅一啲元素呀或者一啲創作理念，咁好有趣呢我哋
成個團隊呢，集埋呢就好多不同多元化嘅想像畀到同學，亦都你會見到唔同嘅裝置利用緊嘅素材，去做咗出嚟，咁呀嚟到嘅小朋友同公眾，一定會覺得呢係好好玩。
最令團隊驚喜的兒童創意表現是什麼？
其實我哋有54組小朋友佢哋每組呢都有好驚喜嘅一啲創作，咁當然啦今日我哋見到其中有兩組啦一組係，佢哋應用咗生活嘅一啲回憶，將我哋平時玩嗰個無敵大電視嘅game呢，結合咗佢哋嗰個廷國嘅發電站，佢哋用咗白鐵嚟營造一個裝置啦，咁有埋導師阿藍呢
佢本身都有從事一啲白鐵嘅設計工作，咁所以呢加埋導師帶領呢，佢哋一齊做咗一個靈感大耳朵嘅裝置，咁裏面呢都有好多生活上面唔同嘅聲音呀，有啲ASMR又好或者環境嘅聲音到到自己講嘢咁樣，咁其實都會變做一種創意嘅表達。
另外我覺得最深刻嘅其中一個小朋友創作嘅一個遊戲，其實係同我哋其中一個導師啦Grace啦，咁佢本身其實係一個平民設計師啦亦都係一個Fitness Trainer，一個體能健身嘅教練。
咁佢哋嘅創作呢就應用咗一啲身體嘅元素啦，咁就創作名叫做盒子過四關，咁本身呢個盒呢就穿咗好多唔同嘅障礙物，同埋一啲線條啦，咁玩家呢就要穿過呢兩個盒子呢，通過呢個空間呢嚟到做一啲動作嚟到構成成個創作，同埋玩樂嘅體驗。
咁我哋都覺得呢件事呢同我哋本身作為建築設計師啦，做空間呢方面呢都好有聯繫，咁亦都好有趣好玩嘅。
如果用三個關鍵詞形容今年童創節，會是什麼？
我諗第一個關鍵詞就係腦力大爆發啦，我相信經過呢幾個呢兩個月啦嘅時間啦，其實所有嘅小朋友都係將佢哋自己嘅努力，Bring power發揮到淋漓盡致，咁喺呢個創作嘅呢個裝置裏面呢，希望大家都可以感受到，佢哋成個用腦又好用創意又好所表達嘅一啲語言啦。
另外今次最特別就係用咗感官激發創意，咁可以講得係全身都會發揮創意嚟到公眾一齊玩，到到佢哋自己創作嘅時候，都有應用到唔同感官，變咗一啲創作。
咁另外一個關鍵詞我諗係同沉浸式沉浸式嘅創作體驗有關係，咁無論喺佢哋自己本身，成個workshop裏面嘅創作嘅過程啦，到而家我哋入到嚟呢個展覽嘅區域啦，成件事其實入咗個工廠，佢哋著咗工廠人嘅即係工人衣服，之後咁成個感覺就好似代入咗去一齊去發電一齊創作一樣，咁我諗呢個都希望帶返畀大家，一個咁樣嘅體驗。
我諗小朋友佢自主學習同埋有種創作原動力，係我哋成個今次策展希望達到嘅最重要目標。
港澳信議會小學-何彥輝校長
我係港澳信議會小學嘅何彥輝校長
您認為童創節最能幫助小朋友提升哪方面的能力？
其實成個童創節裏面我見到小朋友呢佢哋有幾個能力，我好深刻見到佢哋係培養緊佢哋㗎。第一個呢就係佢哋個合作嘅能力呀
喺成個而家社會環境裏面呢佢哋將來去到面對工作嘅時候，其實成個團隊合作嘅能力呢，佢哋一定要掌握得好好先至可以喺成個
社會裏面生存也好啦，為社會貢獻也好，呢個係一個group project，每個小朋友呢佢哋有，唔同嘅工作分配咗啦，佢哋有唔同嘅角色喺裏面啦，有擔任隊長嘅有擔任副隊長嘅，亦都有安全主任啦，佢每個人有唔同嘢做緊，有一個同學一見到有嘢爛咗，就會自動自覺去維修，其實呢個成個團隊合作嘅精神呢，我哋好喺呢個童創節今次呢個活動裏面體現到佢哋㗎。
另一個我特別深刻嘅呢就係，佢哋嗰個叫做創意解難嘅能力呀，佢今次係大會提供咗好多唔同類型嘅一啲原有嘅素材畀佢哋，而佢哋去到運用呢一啲已經有喺度嘅嘢去到設計一個遊戲呢，其實係好，好培養到佢哋一啲創意嘅能力，創作我哋成日都講唔係一定要由零開始嚟到創作嘅，其實係一啲原有基礎，或者係一啲冇用嘅嘢裏面，我哋去到發掘到佢一啲新嘅功用呀，發掘到佢哋一啲新嘅，可以利用到嘅用途啦，其實呢個一個創意嘅表現嚟嘅，咁所以我都好欣賞今次成個活動裏面啦，小朋友無論係呢個，團隊合作嘅精神裏面啦，淨係去到運用一啲本身有嘅嘢舊嘅嘢呀嚟到發展創意，都係一個好好嘅一個體驗嚟嘅。
其實喺學校裏面啦我哋，傳統學校嚟到講啦，好多時都喺課室裏面授課啦，喺課室裏面大家一齊，就住唔同嘅科目嚟到學習啦，但係當然啦我哋其實，唔同學校而家都有好多唔同跨學科，跨課程嘅活動喺裏面發生緊，咁其實今次童創節裏面，亦都可以喺一個叫做
我哋叫跨學科或者超學科嘅一個課程，咁去到補充到小朋友喺一個課堂裏面我哋未必會有太多機會，尤其是今次呢，我見到佢哋有唔同年級嘅小朋友喺裏面一齊合作做嘢呀，呢個係喺學校裏面比較難去到咁容易實踐到一個環節呀，佢哋有三年班嘅小朋友有四年班
有五年班嘅小朋友，咁其實出到嚟社會做嘢嘅時間呢我哋都會同唔同年紀嘅人合作㗎，但係喺學校裏面呢我哋好多時都會習慣就同一個年級大家一齊做嘢，但係嚟到呢度呢佢哋有唔同年級嘅小朋友大家各自，高年班嘅要同佢低年班合作我點照顧佢呢，點樣去到又畀佢做到嘢，而又唔係佢純粹淨係行行企企呢。
低年班嘅同學喺度學習嘅時間佢可以望住哥哥姐姐點做嘢，然之後佢又可以再去諗我係三年班我低年班，我究竟可以付出啲乜嘢嘢
我可以為個團隊做啲乜嘢嘢，點樣安排到啲工作畀佢哋，唔同年紀嘅小朋友，各自有唔同嘅能力去到發揮呢，咁我諗成個童創節呢個活動裏面呢，俾我哋學校最大嘅啟示就係喺我哋學校裏面設計活動嘅時間，又可唔可以有呢個方向，可以有呢個方針喺裏面畀到，唔同嘅小朋友唔同嘅年齡裏面，大家又合作大家又互相幫忙呢咁樣啦。
會用哪三個詞語向其他學校推薦今年童創節？
三個詞語，創造無限可能啦
好值得啦同埋好有意義嘅。
太古小學 - 葉碧君校長 （左）太古小學 -Miss Diana（右）
Hello我哋係太古小學嘅咁我係葉碧君校長，Hello我係Miss Diana。
相比常規學校活動，童創節最獨特的教育意義何在？
我覺得今次呢個活動呢非常之好，因為我哋一般學校呢可能學創意呀學藝術呀都可能喺視藝堂發生
咁但係視藝堂裏面呢，可能我哋好多規範性呀或者好多限制，今次呢個活動呢我哋可以走出課室，咁呀嚟到呢度啦咁空間感又大咗喎
，另外呢學生呢可以發揮佢哋嘅想像同埋佢哋嘅創意呢，去製作佢哋一啲新嘅idea啦或者佢哋嘅製成品啦，咁同一般嘅課堂好唔同囉。
這類創意教育對培養未來社會所需人才有何幫助？
我覺得呢個創意教育呢對於培養未來嘅我哋嘅主人翁呢，係好緊要嘅！因為我哋成日都話呢要裝備小朋友要有21世紀嘅能力，咁但係可能喺學校裏面呢，我哋可能受住個課時呀課程呀有好多嘢影響啦，但今次個活動裡面，我自己都學咗好多嘢。
譬如我哋可以放手啦，其實我哋係可以呢做小朋友嘅引導者協作者嘅，引導佢哋諗多啲，或者從人哋嘅方面可以增加啲嘅同理心啦，去諗佢哋點樣可以幫人，同埋呢個世界呢成日變呀社會變得好快，其實今次呢個活動呢我諗最重要嘅目的呢，真係幫到小朋友點樣同人合作溝通，最重要係咩呢就係個解難。因為呢我見佢哋呢喺創作過程裏面呢，好多時候都遇到好多唔同嘅問題，但佢哋冇停喺度，佢哋真係呢會同佢哋嘅導師啦，同埋同同學仔一齊諗方法，就算呢佢哋做完第一次第二次，都可能會失敗，但佢哋呢都冇放棄到
咁我覺得呢一種精神呢，都係可以培養到呢，我哋未來嘅主人翁嘅。
最值得其他教育工作者借鑑的活動設計是什麼？
經過我一輪嘅觀察，我覺得Making a creative space，即係有個創意嘅空間啦，係好重要！咁喺呢個創意嘅空間，或者你可以叫做創意嘅班房啦，咁裏面老師去選擇一啲乜嘢嘅物料，嗰啲物料係可塑性係好多嘅，咁你就可以讓創意去發揮，咁同埋呢因為小朋友佢一入到呢個創意嘅空間呢，佢感覺到安全感呢，佢就會好curious即係好好奇心，佢就會呢好自然地呢同同學喺度做緊乜嘢
溝通啦，一齊去探索啦，一齊呢去遇到一啲困難，好似校長咁講。然後呢好自然佢哋自己會搵到解決嘅方法，咁仲有啦佢哋完全係fully engage即係好完全投入望我嘅，我即係旁邊觀察，我就好欣賞到我嘅學生佢哋自己嘅合作，有好多呢係E嘅小朋友，有好多I嘅小朋友，但係我都容讓佢哋呢好似校長咁去放手呢，盡量唔介入多啲，只係用文題式去引導佢哋呢，去喺裏面呢讓件事啲自己去發生，咁同埋呢佢哋學咗design thinking嘅一個，叫做empathy based design thinking嘅嘢。嘩 當佢哋學習 ，原來我要做呢啲嘢呢，俾人去參與嘅，我會諗啲乜嘢嘅細緻呢，我嘅時間管理係點呢，啲人點排隊呢，邊個講先呢，即係佢哋都會take到唔同嘅role啦，咁有好多溝通同埋協助，所以我覺得都係一個好好令到我好感動嘅一個program，咁呢啲亦都係我會帶返去我嘅課堂裏面嘅嘢。
會用哪三個詞語向其他學校推薦今年童創節？
點解講感受呢，呢個program係講緊七感，咁樣我都認識到，嘩 唔同嘅感官即係將你打開嘅時候，小朋友就會有好多聯想到佢嘅經驗嘅嘢，同埋將感官打開咗有好多可能都會變得更有意義，即係佢嘅學習會變得更有意義。
咁我就覺得係好奇心，因為好多時候學習我哋都抹殺咗小朋友嘅好奇心，但係喺今次嘅活動裏面，我見到小朋友好想去知好多嘢呢個好奇心就可以引發到佢哋嘅學習。
同埋最後就係享受，享受係真係好重要，因為你完全focus喺一個activity度，你係會好大嘅成功感，帶畀每一個同學都有不一樣嘅經驗。
*本文章的內容若未經授權，不得轉載