地道潮州菜 新鮮海鮮x潮式滷水🥬🍖 [ 十二道海味·活海鮮·潮汕味 ]

復活節假期去深圳一日遊，行山姆超市之前係附近呢間餐廳食地道潮汕菜。餐廳風格類似香港大排檔和酒樓，有海鮮缸俾食客自行選擇新鮮海鮮，再交廚房加工，唯一不同係價錢較相宜👍。

✿ 火箭大魷魚•二人餐 ¥398
一口價包4款海鮮、1碟炒時蔬、2碗米飯、2位茶水，更免收加一服務費。

招牌必點2選1 🐟🦀
可選原條清蒸石斑魚(約1斤)或一份三目蟹 (姜蔥炒，避風塘，香辣)。海鮮現撈現煮，石斑魚蒸得火喉恰當，連葱灒上豉油，魚肉鮮香嫩滑。

福氣菜品
爆炒火箭魷魚 (1條) 🦑
原條火箭魷魚切片𠝹花紋，份量好多，加雙色椒爆炒，魷魚煮得爽脆，味道鮮甜無腥味。

花螺(鹽焗/白灼) (1份) 🐚
新鮮花螺現撈現煮，白灼得鮮甜嫩滑，另配日式芥辣豉油，有另一番風味。

蒜蓉蒸生蠔 (2隻) 🦪
生蠔差不多有手掌咁大隻，蠔肉好厚肉，簡單以辣椒蒜蓉清蒸，保留蠔肉多汁鮮味。

蒜蓉炒時蔬🧄🥬
是日款式係蒜蓉炒菜心。

✿ 滷水拼盤 ¥68/份
食潮州菜點少得滷水鵝🤤，餐廳仲有個潮式滷水檔，賣滷水鵝、滷豬系列等。滷水拼盤有滷水鵝肉、滷豬耳及滷豬脷，滷味入味唔會過咸👍。

總結
餐廳樓上有幾個不同大小包廂，適合聚餐。海鮮種類多，現撈現煮，二人餐人均¥200食到飽。

餐廳距離深圳灣口岸或山姆超市(前海店)只係約10分鐘車程。除咗使用微信、美團、高德地圖等app call車，依家香港版支付寶仲新增「高德打車」服務，直接call車俾錢好方便👍。

✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
十二道海味·活海鮮·潮汕味
地址：深圳市-南山區-前海路中海陽光玫瑰園3棟102鋪（深圳地鐵5號線 荔灣站B出口）
營業時間：早上11時至下午2時、下午5時至晚上9點半
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿