張彥博廣州開騷　請譚嘉儀露香肩

藝人張彥博為紀念入行20周年，於本月21日在廣州舉行「PERSIST20 堅持演唱會」，並邀得歌手譚嘉儀獻靚聲助陣。譚嘉儀在社交網分享花絮照，對好友有讚冇彈：「由出道到依家，佢嘅才華、努力同對音樂嘅熱愛，從來冇停過。見到台下咁多人支持，燈海咁靚，真的好感動。」相中，她身穿紫色Tube Dress大晒香肩，在後台與張彥博齊齊豎起大拇指合照，狀甚親暱。

兩年前，他們曾合體翻唱《黑玻璃》，更在MV中飾演甜蜜一對，深受粉絲喜愛，今次二人再度同台演繹該曲，掀起歌迷不少回憶，譚嘉儀亦大呼開心：「好彩嗰陣時搵咗你一齊合唱，先有機會做到你嘉賓唱番首歌咋。」最後，她為對方打氣，期待再次合作：「呀博～你嘅堅持感染咗好多人，包括我！繼續加油，期待下次再合唱。」

東網網站 : https://on.cc/東網Facebook專頁 : https://www.facebook.com/onccnews/