甘美治著住特別版波衫　呢件波衫係地標戰同第100次上陣混合版

德國🇩🇪主場1:2輸俾葡萄牙🇵🇹歐國聯比賽，德國國家隊隊長甘美治以正選身份上陣，迎接個人第100次國家隊上陣，亦都成為德國史上第14位球員達到呢個里程碑。至於甘美治為國家隊100次上陣，當中有8個入波同26次助攻🙂

甘美治係賽後接受訪問被問到第100次國家隊上陣，呢位德國🇩🇪球員就話「我唔知道我仔仔陪我一齊入場，呢件事真係令我好感動。為德國出戰100場比賽，對我嚟講係好特別成就，尤其係當我睇返以前，我係青年軍開始就唔係一帆風順嘅人，我一定要好努力咁爭取呢啲野🥲。」

值得一提嘅係甘美治係2024/25球季歐國聯9次上陣已經交出6次助攻，呢個數字係所有球員入面最多。除此之外，甘美治仲有2個入波，最近3場歐國聯比賽有份參與6個入波(1個入波同5次助攻）🤓