湯馬士梅拿最後一次於拜仁主場比賽： 我會掛住呢度所有野

拜仁傳奇球員湯馬士梅拿最後一場主場比賽，梅拿係比賽之後表達自己感受：

「足球同一班球迷令我為拜仁出戰750場比賽都充滿激情，仲要有七萬五千個心為我而跳動，呢樣令我有啲緊張，而且得到咁多人對我嘅認同唔係理所當然。我哋今日可以返到自己主場舉起呢個冠軍獎碟，我好開心將冠軍帶返嚟慕尼黑，因為我哋上季過得幾辛苦，不過我哋要尊重利華古遜，因為佢哋上季值得拎到德甲冠軍，但當你成個球季都好努力，去到最後竟然咩都無，呢種感覺真係好痛苦😣。」

「最後一場拜仁主場比賽對於好多人嚟講，包括我自己，都係艱難時刻，但都係非常美好，尤其係大家肯定我嘅貢獻。睇返過去呢25年，無論對手係邊個，無論係星期三定星期六，無論落雨定係落雪，呢個球場都係坐滿人。當然，我會掛住入波時刻，呢種感覺無野可以替代，而我都會掛住同一班隊友相處。由列貝利開始，佢成日將濕咗嘅襪扔去你嘅面到，仲有梅斯亞拿呢班新一代球員😄。」

「我會掛住呢度所有野，但我哋都可以展望將來，我睇到好多年輕球員，佢哋都好努力貢獻自己，但我都要呼籲嚟緊幾年都會係呢個球場比賽嘅每一位球員都要全力以赴，呢度比你哋想象中更加偉大。我都期待嚟緊生活，雖然它可能無過去咁美好。大家可以喊，但只可以流一滴眼淚，因為我哋係幸福，我愛大家，亦都會掛住呢度所有野，多謝大家🙏🏻。」

▼Follow足球仁
Instagram: https://www.instagram.com/football_yern/