今年內第四間戲院結業 田啟文指業界現時食穀種、料要捱多一年

【獨媒報導】MCL院線於15日宣布，旗下康怡戲院租約期滿，將在5月28日結業，為今年內第四間結業的戲院。香港電影工作者總會發言人田啟文在電台稱「從業員真係好痛苦」，並預料仍要捱多一年：「除咗政府參與嘅之外，其他基本上都係無戲開，大家都喺度度觀望，基本上而家係『食穀種』。」

繼嘉禾黃埔、新光戲院及新寶戲院後，MCL康怡戲院將在月底結業。15日早上在新城節目稱，早前已獲悉，MCL康怡戲院因為租約期滿結業。被問到本港觀眾是否不願意入場看電影，田啟文指早前的全港戲院日一票難求，觀眾仍願意入場，將戲院結業歸因整體營運成本、市場環境，加上業主是否願意調整租金等因素，「觀眾願意睇戲，只係選擇睇邊套」。

田啟文（資料圖片）

對於本港電影業市道不景，田啟文稱「從業員真係好痛苦」：「除咗政府參與嘅之外，其他基本上都係無戲開，大家都喺度觀望，基本上而家係『食穀種』。」

田啟文表示截至今年5月，本港只有不足5套電影正在開拍，「嚴峻到好緊要」：「但我又唔會喺呢度講到好慘，去到一個位嘅時候就反彈。」不過，他預計在「存貨燒晒」便會反彈，「戲院始終要做生意」：「呢一段艱苦嘅日子，仲要捱多一年左右。」他認為投資者現時「精品化咗」，並透露戲院正思考如何突破，包括直播韓國演唱會等。