日本好去處：【《名偵探柯南》大型展覽登陸東京晴空塔！限定三個月！6大角色燈光秀＋360度螢幕播放動畫＋限定主題甜品】

名偵探柯南｜ 《名偵探柯南》大型展覽登陸東京晴空塔！

各位大偵探們注意啦！為咗配合上映嘅《名偵探柯南：獨眼的殘像》電影，東京晴空塔舉辦一個超級勁爆嘅《名偵探柯南》聯乘活動！ 聯乘活動限定三個月， 一共有7大展區。入到場嗰陣，你會搭乘播放緊柯南特製動畫嘅電梯穿越天際，隨即被迎賓區嘅柯南角色包圍！喺450米高空嘅天望迴廊，眾多《名偵探柯南》角色會集結等你合照，迴廊末端嘅打卡位可以同滑板少年柯南影靚相，仲有巨大牆面印滿動畫經典台詞，真係必影無誤！仲有「SKYTREE ROUND THEATER」360度大螢幕播放經典動畫片段，配埋音樂效果令你回憶湧現。如果你想要更深刻嘅紀念，只需1700日圓就可以獲得限定特製相片，仲有21款角色造型可以揀，背景就係晴空塔嘅壯麗景色。最後仲有限定主題甜品同飲品，等你邊影相邊享受美食，真係一次過滿足你所有感官體驗！特別一提，晴空塔嘅外部燈光會跟據人氣角色切換唔同顏色，唔同時段去都有唔同體驗。呢個活動真係柯南迷嘅終極朝聖地，快啲mark低日子，約埋你嘅柯南迷朋友，一齊去東京晴空塔尋找真相啦！[>>立即以優惠價購票<<]

▲ 一入到場，你就會被大量柯南角色嘅海報同展品包圍，成個塔都係柯南元素。喺「穿梭天際」嘅特製電梯入面已經可以開始打卡，沿路嘅「天望迴廊」有眾多柯南角色等緊同你合照。 [>>立即購票<<]

▲ 場內有好多特登設計俾粉絲同角色合影嘅打卡位，例如「天望迴廊」有眾多柯南角色等緊同你合照。最受歡迎一定係「迴廊末端」 區域，柯南會駕住佢嘅滑板現身，等你可以擺出各種姿勢同佢影相，而你可以配合柯南同沉睡嘅小五郎，共同重現動畫中嘅經典場景。 [>>立即購票<<]

▲ 想有更加難忘嘅紀念品？喺迎接區域處，只需1,700日圓，你就可以擁有同柯南角色嘅專業合照服務。總共有21款唔同角色造型可以揀選，無論你鍾意柯南、小蘭、灰原哀、安室透定係怪盜基德，都可以揀到你心水嘅角色合照。 [>>立即購票<<]

▲ 活動仲有推出限定美食，特別準備咗以《名偵探柯南》為主題嘅特製甜品同飲品，等你喺打卡同觀賞之餘仲可以品嚐到柯南世界嘅味道。 [>>立即購票<<]

東京晴空塔 《名偵探柯南》聯乘活動

地點：東京都墨田區押上 1-1-2
日期 ：即日起至7月14日
時間 ：9:00 – 21:00
購票連結：按此

文字：香港人遊香港