少林功夫加籃球? 馬刺球星 Victor Wembanyama 少林寺修行學功夫

電影嘅《少林足球》，將少林功夫加埋足球，咁少林功夫加籃球有無得諗？馬刺嘅 Victor Wembanyama 最近喺中國河南少林寺嘅一段修行旅程，引起全球籃球迷關注。效力NBA馬刺，身高7呎3吋嘅法國籃球天才，喺 NBA 季後賽出局後，選擇咗一條與眾不同嘅路: 進行為期十日嘅少林寺靜修。

剃光頭、著僧袍

Victor Wembanyama 喺少林寺嘅照片近日喺網上瘋傳，佢剃咗光頭，身穿傳統僧袍，靜坐喺少林寺內嘅佛像前，神情專注而平靜。據中國官方媒體報道，呢位馬刺中鋒喺少林寺進行十日嘅修行，期間學習少林功夫、冥想同靜坐，遠離都市嘅喧囂同壓力。

Wembanyama 喺2024-25賽季患上罕見疾病「深靜脈血栓」(deep vein thrombosis, DVT) 提前結束賽季，呢次少林寺之旅似乎係佢為咗身心重整嘅一次嘗試。佢喺修行期間保持低調，冇喺社交媒體上分享任何動態，但遭中國網民將佢嘅照片放上抖音發佈，之後輾轉流傳至美國媒體。

除咗少林寺，Wembanyama 喺中國期間仲參觀咗北京嘅長城，喺公園散步同享受當地美食，展現咗對中國文化濃厚興趣。

「法國蜘蛛人」Victor Wembanyama

法國籃球員 Victor Wembanyama 以224厘米的身高，被譽為「法國蜘蛛人」。2023年，「斑馬」以狀元身份被 NBA 嘅聖安東尼奧馬刺選中，正式登陸世界最高水平籃球聯賽。喺佢嘅新秀賽季，Wembanyama 即以場均20分、10個籃板同3次封阻嘅數據，奪得NBA年度最佳新秀獎，並喺2024-25賽季入選全明星陣容。

Wembanyama 出身於運動世家，父親是跳遠運動員，母親熱愛籃球，姐姐亦是職業籃球員。佢喺11歲時展開籃球訓練，並迅速展現出驚人潛力，當時已經比同齡孩子高出三個頭，甚至能輕鬆入樽。

Victor 的身體比例更是令人驚嘆，臂展達243厘米，比身高多出近20厘米，這種稀有的身型條件，令他在籃球場上如魚得水。除了身高優勢，他還擁有全面的技術，無論投籃、防守還是傳球都表現出色，被視為全能型球員。