消息指，德國世界盃外圍賽0:2輸俾斯洛伐克後，中堅魯迪加呼籲球隊團結一致，共渡難關

💪🏻根據圖片報消息，世界盃外圍賽0:2輸俾斯洛伐克🇸🇰之後，德國🇩🇪係更衣室展開坦誠對話。今埸比賽有失誤嘅中堅魯迪加主動係更衣室呼籲球隊「我哋一定要團結一致，只有靠自己先至解決依家情況，大家一齊共渡難關。」。雖然魯迪加主動承擔責任，但都清楚知道下埸對住北愛爾蘭嘅世界盃外圍賽一定要用頂級表現重新證明自己😉

🚨根據德國SPORT1消息，德國係2023年11月對住土耳其🇹🇷同奧地利🇦🇹連續兩埸比賽輸波，拿高士文去到2024年3月決定唔再依賴一班有地位嘅老將，反而選擇更多有唔錯狀態嘅球員，逐漸將「狀態」成為入選國家隊大軍名單嘅關鍵因素，而球員技術水平變成次要因素😶
💣拿高士文接受訪問講到今次危機，並且公開表示「我哋可能要放棄部分有技術嘅球員，反而要選擇充滿鬥志嘅球員。」，如果拿高士文真係選擇呢個做法，德國嚟緊會唔會搵11位「工兵球員」踢正選？

💥消息指如果韋斯咸前鋒富高洛趕及復出，呢位前鋒有機會取代上埸踢正選嘅禾特美迪。至於拜仁孖寶哥列斯卡同基拿比，以及史特加中埸史迪拿都有機會被取代。至於魯迪加情況就比較敏感，雖然佢曾經係2024歐國盃其中一位表現最好球員，但之後接連出現負面新聞同埋狀態唔好🙃

▼Follow足球仁
Instagram: https://www.instagram.com/football_yern/