開學｜小五生元朗搭B1變搭錯車出九龍 車長不忍獨自轉車「車你返去」
今日是新學年第一日，不少學生和家長或仍未熟悉學校附近交通。有網民中午時分乘搭九巴268C線巴士往九龍期間，發現車上有一名小五學生，本應要乘搭B1線巴士前往落馬洲過關，惟他在巴士駛離大欖隧道轉車站後才驚悉搭錯車，「即刻嚇到喊咗出聲，成個人慌到冇哂主意。」268C線車長見狀，在抵達位於深水埗區的畢架山花園第巴士站後，親自指導他到對面方向的巴士站轉車返回目的地，惟後來因不放心丟下他獨自轉車，豪言「我原車車你返去總站啦！」
▼乘客分享好人好事及網民回應▼
目擊者稱個個乘客都讚爆
目擊事件的網民在社交平台發帖大讚車長，「司機這一耐心而體貼的處理方式，個個乘客都讚爆」，又說車上乘客當時亦有熱心安慰男童。她又指，男童在發現搭錯車後有聯絡母親報告位置，而母親亦建議他原車折返元朗。
有網民大讚「香港人真是外冷內熱」，希望這種特質可以承傳下去，亦有人認為車長做法正確，「畢架山花園巴士站過對面馬路其實好危險，同埋既然都放咗學，倒不如俾個小朋友遊吓車河，接佢返去元朗再處理，至少唔會讓佢置身於危險之中」、「車長都得好，要支持下佢，有無當事人寫去嘉許信去佢公司」、「畢架山個車站位係有D(啲)危險，最怕小朋友心急衝出去，司機哥哥好好。」
網民讚男童機智：好彩佢肯出聲
有留言亦指出男童機智，「好彩佢肯出聲，如果唔係戇居居落咗車，又唔知係邊搭車，咁就慘啦。」同時有網民認為男童也有責任，「連上咩車嘅路線牌都唔睇一睇先上車，可見呢個學生1(一)向都唔係好睇路見車就上見𨋢就入見𨋢門開就出嘅人」、「都小五啦答(搭)咗五年車都可以搭錯，佢係鬥雞睇錯車號？」
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)