《女神》今起一周播6晚　GM勁敵Eddie出絕殺Sophie爆喊

TVB今晚（9月8日）起一星期播出6集結局篇《女神配對計劃 最後告白》，播映時間為周一至周五晚上十點半、及周日（8月14日）晚上八點翡翠台。今晚揭開全新章節，五位女神憑著一張簡單字條及message，於限時40分鐘內找出於某個地點默默等候自己的勇者；如何分配限時的四十分鐘，完全取決於女神心意及緣份。在這個回合得到最少分鐘數的5位男士將被淘汰，今集沒有保護名單、時間決定一切。

今集將有三位勇者登場向女神表白，分別是葉蒨文（Sophie）組的林堡熙（Eddie）、羅毓儀（Yuki）組的謝家豪（Cyrus），及關嘉敏（Carman）組的黃家俊Matthew。而其實三位女神出發時，心裏面想著的心儀男士均另有其人，到底三人為何最終沒有與最心儀遇上，反遭另一位勇者截足先登？

在三段表白之中，以Eddie的「不完全4D日本探索之旅」最為感動，而且感動級別直達震撼級。由於Sophie之前曾在節目中透露，很遺憾與前度拍拖六年半期間一直沒有外遊機會；Eddie為圓女神心願，竟想到送上別出心裁的「不完全4D日本探索之旅」。由於Eddie準備的禮物實在太有溫度、誠意及心思，Sophie全程喊個不停，更一度感動到要抖大氣！就算完成拍攝後補拍Green Room，Sophie提及Eddie準備的禮物時依然淚流不停。Sophie：「我冇諗過佢咁癡線，佢傻㗎佢，我覺得份禮物好有心，花好多時間同心力，同埋我見到個誠意，真係好感動嘅…好癲！」、「好癲呀，呢個可能係我收過最浪漫嘅禮物，多謝你」、「好激動呀，消化唔到，救我！救我呀！」。

除了驚嘆及被殺個措手不及，Sophie更認證Eddie的真心兼大讚對方是真男人：「喺節目未有定論前，你咁主動做咗呢件事，我覺得好Man，即係一個男人用行動話畀你聽，而唔係用把口去話畀你聽佢嘅誠意。」、「原來一個男人話做，真係可以的起心肝去做，仲可以做咁多，我仲要係都未成為佢嘅女朋友，我會覺得呢份禮物好重。」

至於全程心繫細John（姜卓文）的Carman，雖然原本搵啱方向搵細John，可惜途中卻陰差陽錯碰上Matthew，更焗住上演一場「浪漫不足」、卻「活力十足」的約會。而為留住Carman，Matthew安排了打籃球及打拳活動讓Carman二揀一，之後又教Carman自衛術，其中一招「Knock頸」，更一度令Carman嚇到兼痛到眼凸，果真非一般約會。Carman事後極度無奈：「點解會咁㗎？我到底發生咗啲咩事」、「唔浪漫囉！」話雖如此，Matthew最後還是以一招、成功留住十萬火急想搵細John的Carman。

至於一直心繫林俊其Kris的Yuki，雖然第一個遇到的是「踢館者」Cyrus，但由於Cyrus不單精心準備了精彩萬分的Cosplay，還預備一連串與動漫有關的動作問答遊戲氹Yuki開心，令Yuki完全樂在其中、忘了時間的鐘。