Jer演唱會海報被嘲「小學生退地」　本尊反擊：全民Designer？

男團MIRROR成員柳應廷（Jer）昨日驚喜宣布將於11月30日及12月1日在亞博Arena舉行個唱，消息一出，粉絲紛紛表示引頸以待。不過演唱會宣傳海報曝光後，設計卻引來負評，有網民質疑人像退地不自然，更懷疑過度P圖甚至用AI製作，留言揶揄：「我懷疑魯生（魯庭暉）走咗之後，Makerville轉咗搵初中生做Graphic，阿Jer呢張相去底會唔會去得太差？」

面對批評，向來溫和的Jer罕有嬲爆於社交網反擊，在限時動態發文力撐設計團隊：「真心嬲咗，呢個世代真係全民Designer？張相淨係較左顏色，用咗Filter同較唔同地方嘅陰影位。冇所指嘅小學生退地、P圖或AI，一影出嚟第一個Version就係咁。」他又強調，最終出街的照片光是調整就已做了30多個版本，呼籲大家尊重設計背後的理念及團隊花了的時間和心血。不過亦有網民咬住唔放：「效果係樣衰就係衰」、「如果改30 Ver都係出呢啲貨色，你要真心嬲係你條Team」。

Jer發聲維護團隊及理性回應負評的舉止獲粉絲支持，更有自稱任職創作的粉絲大讚：「冇見過佢咁嬲，利申做創作相關工作多年，見盡業界行家經常都會受到好多唔尊重嘅批評同冒犯，多謝柳仔發聲。」

東網網站 : https://on.cc/東網Facebook專頁 : https://www.facebook.com/onccnews/