俠醫︱郭柏妍再與陳豪合作　坦言為此而擔心

在無綫劇《俠醫》中飾演「周靜芝」的游嘉欣（游游），角色患腦麻痹要坐輪椅代步，但性格堅強一直努力繪畫圓夢，昨晚（11日）一集播出後網民留言讚很喜歡游游眼神堅定頭髮飛揚好有型，又指游游與馮皓揚很襯，游游受訪時稱：「其實嗰場戲拍咗幾個take，只有嗰個take係特別有風，而且係我覺得真係做得最好嘅一take，同埋我自己睇番都覺得係幾型，所以我好開心，今次畀大家睇到我有呢個變化。」

游游又指以前的角色比較小妹妹及斯文柔弱，今次讓觀眾看到她硬朗堅強一面，感到高興。提到她近日操弗現腹肌及背肌，搣甩之前《羅密歐與祝英台》的圓潤。她表示沒有刻意減肥，笑言是「穿衣顯肥脫衣顯瘦」，自爆其實有7、8年「gym齡」，她說：「我本身有一個好規律嘅運動模式，即係可能一個禮拜做兩日gym，跟住再做Cardio或打Tennis，我係咁多年嚟一路都係 keep住去做。同埋我上鏡係會覺得圓圓潤潤咁，所以可能有時着衫多，人哋第一印象就會覺得我肥，但如果我着少啲衫，啲人就會話：『咦，原來你都幾瘦喎！』。」游游續稱拍《你好，我的大夫》和《羅密歐與祝英台》期間身體出現少毛病，要食西藥去改善，幸好已康復，「我諗係啲西藥嘅副作用令到我個人好腫，因為我真係冇停過運動嘅，但嗰個階段就一路都冇咩成效咁，去到後尾我停咗啲西藥、再調理好番個身體之後，有正常嘅運動同作息，就keep到依家。」，她覺得可能將自己逼得太緊，才導致身體出現毛病。

另外，無綫人氣小花郭柏妍（Rosita）昨晚終於登場，飾演陳豪妹妹「凌敏儀」，角色本身是前途無限的游泳選手，可惜患上多發性硬化症，10年前病重離世。Rosita今次雖然只是客串，但短短數場戲已令人留下深刻印象，尤其青春的泳裝造型，令人眼前一亮，而Rosita的病容令人我見猶憐，竟感染網民留言為她打氣。戲如人生，現實中Rosita讀書時期也是「女飛魚」，曾代表學校多次參與學界游泳比賽並打入8強，亦是步操樂團成員擇下公開賽金及銀獎，本身是港大碩士畢業生，被譽為文武雙全小花。

今次是Rosita繼《白色強人II》後再與陳豪合作，她受訪時笑言初時很擔心：「因為我個角色出場次數唔多，所以一直都煩惱緊點令觀眾覺得我同陳豪真係有兄妹嘅感覺。我記得有次我造型後，同陳豪影兄妹生活照，當時陳豪前輩某啲動作同眼神已經好畀到兄妹嘅感覺我，再之後拍我確診嘅場口，陳豪只係拍一拍我隻手，我已經覺得佢真係我哥哥咁，我覺得佢好勁。」Rosita表示《白色II》是她第一次拍劇，直言擔心自己冇進步，這個擔心亦成為推動力。她又指為拍泳衣場口刻意減肥，盡量食得清淡些，想更似運動員。對有網民留言指認不出化了病妝的她，Rosita親自留言回應：「對，是我的來，認不出來也太好了。」又指很多場口都沒有化妝呢！

東網網站 : https://on.cc/東網Facebook專頁 : https://www.facebook.com/onccnews/