超脆皮肉嫩芝麻雞｜土瓜灣｜喜滿樓菜館

有啲餐廳鍾意寫秘製，係因為驚比人抄佢嘅秘方，但有啲餐廳就好大方分享，因為知道講完都冇人會抄。例如麻煩嘅手工菜、就黎失傳嘅懷舊菜、賺份功夫錢嘅足料菜式咁，正常人都會好似烏鴉哥咁講，難做嘅嘢就唔好做。

久仰大名嘅呢間懷舊粵菜，其實大家可能都識，因為真係太出名。之前我都係睇權叔梁家權嘅片bookmark，睇到啲手工菜幾咁繁複，幾咁足料，幾咁花時間，但呢Set都係198蚊，可能因為呢區真係太隱世(即係隔涉)。

-
🥘喜滿樓超筍懷舊宴 ($198位；四位起)
🥢鎮店芝麻雞
寫明鎮店招牌一定必食，睇網上資料話要花兩三日時間做，預先風乾，跟足傳統吊起黎炸，做到真正脆皮香口得黎，又肉嫩多汁，芝麻香又濃香。

🥢黑松露蝦多士
我對多士嘅認知，應該係扁平薄，大塊係見過，但呢塊咁厚咁立體真係少有，不如改名做蝦波士，原隻大蝦再包滿足料蝦膠，酥脆得非常震撼。

🥢爵士燉湯 (+$50位；八位起)
近年多咗人識爵士湯，都唔洗再介紹有咩典故，可以純粹讚美幾咁純粹好飲。老套講呢到呢煲真係遠近馳名，用日本蜜瓜燉足成日，又有螺頭同金華火腿，清甜得又滲滿鮮味。

🥢西蘭花炒龍躉 或 虎蝦球
🥢家鄉蓮藕 或 鹹魚煎肉餅
🥢八珍豆腐
其實全Set真心足料，龍躉係每日新鮮劏，非常厚肉大件；仲有睇片都見八珍豆腐幾咁大煲，蝦仁、豬潤、叉燒等等真係足八種材料。

🥢農家臘味炒飯
🥢甜品 - 家鄉糯米糍
食到最尾都係咁驚喜，臘味炒飯唔係用糯米，炒到粒粒分明，臘味濃香又帶油香，正過唔少臘味糯米飯，而甜品糯米糍外脆內爆漿都超正。

-
喜滿樓菜館
🗺️土瓜灣安徽街2號地舖
📞23331448
❇️見到呢Set係要預早訂位，星期一至四先有~假期冇架係冇嘅。

▼Follow foodiegogoooo
Instagram: https://www.instagram.com/foodiegogoooo/