江華曾表示拒演《尋秦記》　與古天樂回應版本鬧羅生門

萬眾期待的電影《尋秦記》電影版，終於在今日（31/12）正式上畫，據報首日已經有超過1200場次，盡破香港電影首日排片場次紀錄。而古天樂除了是主角，更擔任電影的總監製，多年來一手一腳將這個仔湊大。電影上畫，掀起不少人的集體回憶，縱使古天樂已經力邀所有角色歸隊，但網民還是覺得未夠喉，其中江華飾演的連晉／嫪毐最深人民心。不過就江華有份獲邀演出，近日竟在網上鬧起羅生門事件。

事緣古天樂跟林峯早前接受包括LINE TODAY的媒體圍訪時，被問到可有想過在電影版，讓大家受歡迎的連晉／嫪毐復活，登上大銀幕，當時古天樂表示劇中已死的角色，自己冇辦法令他復活，因為故事在講20年後的事，否則呂不韋（郭鋒）豈不是都要翻生？而古生找演員歸隊的準則是︰「總之電視劇完嗰集邊個仲喺度就會搵，唔通搵同一位演員演第二個角色，唔可能。」

不過有網民就重溫江華，今年4月接受《香港01》訪問時，提到為何未有拍到《尋秦記》電影版，他解釋冇必要再演，表示大家都老了，樣貌都不同。更表示︰「如果你話要我喺套戲裡面再出現一個連晉也好，嫪毐也好，死咗喇喎，仲再出現？」可見他所持的理由跟古生的不謀而合，不過是單單自己不想拍，還是獲邀後仍拒拍，就未有清楚交代。而兩個版本的答案，已讓網民掀起討論。