消息指：多蒙特想盡快同2027年夏天合約到期嘅舒洛達碧克續約，並且準備以頂薪吸引球員續約。

🚨根據圖片報消息，多蒙特想盡快同2027年夏天合約到期嘅舒洛達碧克續約，並且準備以頂薪（年薪超過1000萬歐羅）吸引球員續約。不過，舒洛達碧克仲猶豫緊，並且唔想太快作出決定，因為佢希望贏到冠軍，並且效力頂級球隊，有興趣轉會加盟拜仁或者英超球隊😶

🎯事實上，多蒙特依家係德甲排緊第4位，落後第3位利華古遜1分，如果多蒙特今晚作客輸俾利華古遜，兩隊分數相差將會擴大到4分，而多蒙特有機會跌出前四，無論係球隊高層定係舒洛達碧克都唔希望再次經歷類似上季嘅驚險球季(多蒙特由第11位追到第4位)🙃

💥消息指拜仁名譽主席漢尼斯好欣賞舒洛達碧克。之前舒洛達碧克效力弗賴堡嗰陣，漢尼斯就已經支持拜仁簽呢位中堅球員，特別係漢尼斯欣賞舒洛達碧克職業態度同埋佢係德國國家隊🇩🇪後衛呢個身份😉

💣除此之外，舒洛達碧克家族入面都有幾位係拜仁球迷，佢哋都希望舒洛達碧克可以轉會加盟拜仁。不過，如果同烏柏美簡奴完成續約，拜仁因為財政原因無咩可能簽到舒洛達碧克。相反，如果烏柏美簡奴選擇離開拜仁，咁拜仁將會嘗試簽入舒洛達碧克🙂

▼Follow足球仁
Instagram: https://www.instagram.com/football_yern/