性感女神Sydney Sweeney　一脫床戰男主人

美國女星Sydney Sweeney憑電視劇《毒癮女孩》（Euphoria）大膽演出走紅，成為新世代性感女神，今年她推出犧牲色相增肥飾演女拳擊手Christy Martin的傳記片《Christy》外，亦推出驚慄懸疑新片《美傭誘罪》（The Housemaid），片中盡情展示她的天賦本錢，大露事業線，更有激情性愛場面！

劇情講述Sydney演出的貧困後生女，獲得美國女星雅曼達施菲（Amanda Seyfried）飾演的有錢太太聘請，擔任其豪宅的住家女傭，負責清潔、煮食與照顧細路女。然而，女主人很快就現出瘋狂嘴臉，不斷精神折磨女傭，與此同時，女傭亦情不自禁，被美國男星Brandon Sklenar飾演的萬人迷豪門男主人吸引，捲入危險的三角遊戲。故事情節不斷扭轉再扭轉，原來角色背後都隱藏住陰暗過去，迎來血腥的發展。

電影今年1月開鏡，當時Sydney私下正在經歷與拍拖7年的未婚夫Jonathan Davino分手，但導演Paul Feig指她在片場內表現專業：「佢情緒上完全冇甩過。我拍攝時知道佢經歷緊啲嘢，即係咁講，依家所有人都知佢解除婚約同分手嘅事。我會問佢：『你冇嘢嘛？』咁佢就答：『我冇嘢呀，我好好！』但佢唔係起弶咁答。」

東網網站 : https://on.cc/東網Facebook專頁 : https://www.facebook.com/onccnews/