哈利簡尼重返英格蘭？英媒指簡尼將至少效力拜仁多一季

根據德國圖片報消息，由於哈利簡尼上場聯賽拎到今季第5張黃牌，所以嚟緊對住萊比錫需要停賽，而簡尼只可以係看台支持球隊，更有可能會同拜仁高層一齊坐喺萊比錫後備席上面嘅包廂😶

如果拜仁順利贏波成為今季德甲冠軍，簡尼就可以落返球場同球隊一齊參加慶祝活動，呢樣唔需要擔心會受到懲罰，因為已經得到德國足球職業聯盟（DFL）批准🙂

簡尼之前接受訪問對於今次停賽表達不滿「我覺得34場比賽儲夠五張黃牌就要停賽真係好癡線，德甲應該要好似英超(踢咗19輪聯賽之後就洗牌)，估唔到我因為拎咗一張黃牌而錯過一場重要比賽。不過大家唔洗擔心，我會比任何人慶祝得更加開心😎。」

之前一直傳出哈利簡尼重返英格蘭嘅傳聞，根據英國傳媒tbrfootball消息，呢位英格蘭🏴󠁧󠁢󠁥󠁮󠁧󠁿前鋒至少會再效力拜仁一個球季。事實上，簡尼加盟拜仁之後，佢係89場上陣比賽有80個入波，呢個效率比係佢之前效力熱刺更加出色🤓

▼Follow足球仁
Instagram: https://www.instagram.com/football_yern/