利華古遜作客4:3絕殺史特加 終止各項賽事3連敗

利華古遜作客史特加德甲比賽，史加特係開波14分鐘憑住前鋒迪米度域入波打開記錄，去到48分鐘再由另一位前鋒禾特馬迪入波擴大領先優勢。不過，利華古遜係56分鐘有右閘費林邦入波追成較接近比數，但之後有中場沙加擺烏龍再度落後兩球，而中堅軒卡比亞憑住一個角球機會入波再追返一球。去到比賽尾段，先有史特加中場史迪拿擺烏龍，之後係補時階段，費林邦傳中比到前鋒舒希克頭槌入波，利華古遜作客4:3絕殺史特加，連續 30 場德甲作客比賽保持不敗🙂

利華古遜之前三場比賽都搵唔到入波，所以右閘費林邦56分鐘入波成功打破利華古遜353分鐘入球荒。經過今場比賽之後，利華古遜踢咗26場德甲比賽之後有56分，暫時落後榜首拜仁6分😶

利華古遜教練沙比阿朗素接受訪問就話「最後時刻入波對我哋嚟講係神奇嘅事，慶祝場面令大家都好激動。我要讚下我嘅球隊，佢哋從來無諗過要放棄。經歷過歐聯輸波之後，呢場勝仗對我哋非常重要😎。」

▼Follow足球仁
Instagram: https://www.instagram.com/football_yern/