日本好去處：【日本環球影城宣布跟《藥師少女的獨語》強勢合作！推主題設施＋特色美食＋獨家周邊】
日本好去處 ｜日本環球影城宣布跟《藥師少女的獨語》強勢合作！
日本環球影城｜日本環球影城最新公布咗一個令人興奮嘅消息！為咗慶祝Universal Cool Japan踏入第10年，為慶祝Universal Cool Japan邁向第十個年頭， 佢哋將會首次同全球話題動畫《藥師少女的獨語》展開重要合作！今次重點活動將會以「貓貓」同「壬氏」做主角，打造嶄新沉浸式嘅主題娛樂體驗，重現後宮世界， 等大家可以真實感受呢套劇嘅魅力！[>>立即預訂<<]
▲ 《藥師少女的獨語》係由日向夏老師創作嘅作品，喺2011年首次面世，2023年10月改編成動畫登陸Netflix後， 作品瞬間爆紅。故事以係講述一個叫「貓貓」嘅藥師養女，意外被賣入皇宮後宮，但佢憑住自己對 藥理知識同 推理能力，喺後宮得到其他人 賞識以及解開神秘事件嘅故事。
▲ 日本環球影城經常都會同熱門動漫作品合作，設計互動遊戲體驗同推出限定主題美食，過往 合作嘅作品多到數唔完，由《咒術迴戰》、《SPY×FAMILY》到《我的英雄學院》、《鬼滅之刃》、《魔物獵人》，每次合作都掀起熱潮。
▲ 為咗慶祝Universal Cool Japan 10周年，USJ準備咗一連串重量級活動，打響頭炮嘅係同 《名偵探柯南 》同《假面飯店》合作。《名偵探柯南》合作活動集合密室逃脫、主題過山車同餐廳，《假面飯店》就有現場表演秀，可以戴住面具去派對一同破解奇案！
▲ 《藥師少女的獨語》限定活動將會喺今年7月開始，總共長達一年半！雖然5月先會有詳細內容，但目前已經確定會有主題遊樂設施、特色美食同獨家周邊登場！想知更多詳情，就記得留意官方公告啦！
日本環球影城《藥師少女的獨語》合作
地址：日本 〒554-0031 大阪府大阪市此花區櫻島二丁目1番33號
營業時間：9:00-21:00 (時間可能有變動 請以官網為準)
合作日期：2025年7月1日至2026年1月4日
購買門票：按此
文字：香港人遊香港