日本過江龍：【京都超人氣飯糰專門店！單店月賣7萬個！20多種口味+最平$13個】- 京都御握丸

更新於 03月27日14:23 • 發布於 03月27日06:23 • 香港人遊香港

屯門美食｜日本京都超人氣飯糰專門店「京都御握丸」即將登港

各位日式飯糰控注意喇！來自京都嘅「京都御握丸」終於嚟到香港！呢間飯糰專門店喺日本有16間分店，仲係當地著名嘅排隊名店，單單一間分店每個月已經賣出超過75,000個飯糰！真係超誇張嘅人氣！「京都御握丸」主打每日新鮮製作嘅飯糰，提供超過20種口味，仲分有3大類型：烤御握飯糰、京都飯糰同經典三角飯糰，而且用上日本產高品質「越寶玉」米，每粒飯都晶瑩剔透，香甜又飽滿，口感可以話係一流！

呢間店已經喺台灣開咗海外首間分店，依家終於輪到香港，真係期待到爆！屯門朋友準備好揸緊筷子未？飯糰迷記得mark實日子，開幕嗰日一齊去試！

▲ 呢間店已經喺台灣開咗海外首間分店，依家終於輪到香港，參考台灣價錢，最平最平55台幣（約13港幣）就可買到雜錦飯糰款式，如三文魚玉子燒、櫻花蝦米等口味。唔知香港又會幾錢起跳？

▲人氣口味有炙燒豬肉玉子燒飯糰、海老天婦羅飯糰等。

▲「京都御握丸」主打每日新鮮製作嘅飯糰，提供超過20種口味，仲分有3大類型：烤御握飯糰、京都飯糰同經典三角飯糰。

▲ 「京都御握丸」成為排隊店嘅原因，可以話係呢三大靈魂，包括米飯、鹽同埋紫菜。用上超高級別嘅越光米，連喺日本都相當稀有！米粒光澤超靚，仲帶有自然嘅甜味，真係一試難忘！同普通米比，越寶玉嘅米粒尺寸更大，達到2cm以上，而一般米通常只係1.85至1.9cm左右。呢種米煮出嚟嘅飯，粒粒分明，口感簡直係完美無瑕